Olliwa kokko tulnu kik walla perremehe tulle=kassa perrast nõu piddama, nink säeti seddawisi üts awwitamine kahjo wasta: Kelle tulle=kahjo sünnip, (mitte meelega tettu) sis massawa egga perremees, tarre eest 2 Rbl. kui ka kõrwmaitsi hoonit sis 3 Rbl. ent kui kõrwmatse hoone ütsinda sis 1 Rbl. kahjo tassomise hääs, ent sann ja kodda jäwa wälja, raha saab wallawalitsuse läbi jalla päält koko korjatus. Kik kes selle leppingo sisse kirjotawa sawa kahjo tassomist, nink massawa ka kahjo saajale, ent kes sisse ei olle kirjotanu ei sa perrast kahjo ajal üttegi tassomist: sisse kirjotamine om risti tõmbamine ehk omma nimmi essi kirjotamine.

Karrilatzi külla

 Sel 7. Junil 1878 Jaan Wasser [allkiri]