Sel 12 Tetsembril 1886.

                             Man oliwa Päkohtumees M. Karru

                                               Kohtumees J. Aleksanderson

                                                Kohtumees J. Kulberg

Weskimõisa walla koolmeister Johan Jõgi kaebap et Muttike Johan Elleni karri om minu jõõ weere heinama ärä sõknu ja söötnu, ja ka kuhja ärä söötnu, kuhja kahju nõwwan ma 2 1/2. rbl ja sõkmise kahju 4. rbl, kokku 6 1/2. rbl. Seda kahju ommawa üle kaenu wallawöörmünder Andres Sootla ja kohtumees Jaan Aleksanderson. Kats kõrd ole ma essi Johan Elleni karja sääl nännu, ja 1. kõrd tõi ma Joh Elleni sinnä manu, ja 2. kõrd tõiwa mulle mu latse teadmist.

Johan Ellen üttel, et tema karri ei ole mitte see kahju tennu, waid Wahhi talu karri om sääl hainama pääl ja ka kuhja pääl olnu, koolmeistri om kül minu üits kõrd hainamaad  ja kuhja kaema kutsnu ja ma lätsin ka, ja teime henda wahel asja ni et ma 50 kop kuhja kahju lubasin maksa, aga perast todi mulle teedmine et Wahhi karri söönud oli selle ma see leppingo järgi 50. kop ei massa, nägija oli Wana Pigastest, Leena Keder, ja Johan Keder, et ene kuhja kaemist reedi ja pühapa, Wahi karri sääl om olnu, päle see eespäiwel oli kuhja kaemine 

1. Tunistaja  Leena Keder üttel, et enne eespäiwast kuhja kaemist, reedi oli Wahi karri koolmeistre hainama pääl, ots oli liiwatsen kärun, kuhja pääl ma ei ole nannu.

2. Tunistaja Johan Keder, üttel, et ta ene eespast kuhja kaemist pühäpa Wahi karja koolmeistre kuhja ümbre oliwad.

Kas elajid kaka kuhja pääl oli wai ei seda ma es näe, kas se õdagu wai homungo poole oli kui karri sääl olli ei mäleta mina. -

Kohtumees Jaan Aleksandersohn üttel, et tema om üle kaemisen arwanu, kuhja söötmine  1. rbl  sõkmine 2 rbl

Wöörmünder A. Sootla üttel, et tema om ülle kaemisen nännu, ja arwap kuhja kahju 2. rbl ja sõkmise kahju 3. rbl.  alwaste oli ta sõkkutu ja kuhi oli ka halwaste lahutu

Kohus mõistis, et Johan Ellen massap koolmeistrele Johan Jõele 2. kuhja kahju ja 2. rbl hainama sõkmise kahju kokku

4. rbl. 2 nädalini sija kohtu kätte sisse massa.

Otsus sai nendele ette loetus

Johan Ellen ei ole rahul, palus prottol wälja 8. päiwani surema kohtule sisse kaebamine sai nendele ka nimetanud

Johan Jõgi oli sellega rahul.