Kaibaja. Jaan Eisen Sõmmerpallost tõije wõlla nõudmisen kaibust wasta Kusta Söde ette, et sesamma temma käest 14tal Mail 1878 kümme Rblh, seni kui märdipäiwani seitsme protsendi-enge kui se wõlq kauembas jääb peab katteisa protsenti maksma. Nüüd om kül 6 Rblh. sest rahast ärra masnu - ommeta nelli Rblh. weel masmada, sis palle kohut - et omma rahale saas mannu awwitedus, ja siin om ka õkwa Kusta Söde käekirri.

Kaiwataw. Kusta Söde tulli wasta Jaan Eisen ette ja ütles - se wõlg - mes minnul Jaan Eisen ka olli 10 Rbl.  se om kogoni õige  enge minnul om täwweste massetu - ja siin om Jaan Eisen käekirri - kuis wisi temma sis minno käest katte raha woib nõuda?

Jaan Eisen tunnisras seda tähte - mes Kusta Söde kohtule ette pandse - ommas -, enge se täht Kusta Söde kätte sanu ja jänu, se läbi - et raha massa tahtnu nink temma tähe temma kätte annu - ommeta sis ennamb raha masnu. 

Kohus läts selle päle otsusele ja mõistse:

Jaan eisen kaibus wasta kusta Sööde nelja Rblh. wällänõudmisen om kogoni tühi - selle et essi omma käekirjaga tunnistab - et wasta wõtnu om.

Tallorahva sädüse perrä § 1077 om Jaan Eisen südlane, et ülleliga - se om vasta sädust, omma raha eest protsenti om võtnu ehk lainusei andnu, peab kolme võrrast protsenti ehk trahwi - mes 6 kuu aja eest om nõudnu - seda om 3x 70 Kph. eaeste ladikude masma = 2 Rbl. 10 Kph.