Kaibaja: Hindrik Pallo tõije kaibust wasta omma sullast Hans Pettai ette - et sesamma kigepidi ommast teenistuse ajast aiga vidab ja ennamb töömannu wälja tullu. Tõisest panni minna teda wennelase mannu töde - ja kui 7 päiwä ärra olli wõtse raha wälja - nink kuulda olli 2 Rbl 80 K. h.

Kaiwataw: Hans Pettai tulli wasta Hindrik Pallo ette ja ütles - et Hindrik Pallo teda essi teenistusest wallale tennu - ja sis kül wennelase mannu tööde lännu - nink om arwanu henda perremehest wallale ollewat.

Hindrik Pallo andse ülles, et Hans Pettai temma tööst ja teenistusest terwe kuu aiga ärra wiitnu - nink edimetsest Märtsist täämbatse päiwani üts tundminno töön ollu. Tunnistust üttegu es ille ollemas - sis pidi  kohus otsusele minema ja

Mõistse: Hans Pettai peab jalla päält seda wälja wõetud tööraha 2 Rbl. 80 k. h. wäljamasma. Kui Hans Pettai töömanu wälja es tulli pidi Hindrik Pallo õkwa üllesandma - et ommal ajal olles selletedus sanu. Essihendast ei tohi peremees ei ka sullane aasta teenistuse kaupa murda - ja pidi kohtule selletamises ette kannetus saama.