Kaibaja. Kergolast Adam Oha tõije kaibust wasta Christian Birkenthal seda wisi ette, et Christian Birkenthal temma pole Kergola kohtomaha mannu tullu nink juttu tennu ja üttelnu henda Sõmmerpallost perri ollewat - nink pea päle selle ka ärra lännu. Päle ärraminneki lätsi minna kõrtsimannu, sis tullu Christian Birkenthal sinna wannainimise pole - ked koddun olli- tagasi tullu - ja üttelnu - et Piibseb kutsus õige ruttu katte piipu kõrtsimannu -; wannainnimise olli wastutanu, et piibu omma kapin - ja neid säält ei sa kätte, nink selle samma aja sisen Christian Birkenthal minnu kammasihe - mes 5 Rblh. wäär olliwa ärrawarrastanu. Kui nüüd teda saije, et se aoeras pois Linamäelt perri - ja Christian Birkenthal olli - wõtse Linamäe kogokonna wöörmündri Jaan Heska nink saije omma kamasihe õnneperrast kätte - ehk ka jobba Linamäel Hindrik Saarele sabaste wasta ärra olliwa wahetedus, ja palle kohut, et warras trahwitud saas nink käimise kullu 10 Rblh. massetus.

Kaiwataw Christian Birkenthal saije Jaak Pilwan manolemisen, selle et täisealine es olle, ette kutsutus - ja temmale Adam Oha üllesandmine etteloetus; sesamma ütles, et se kül nidade sündinu,

Selle pääle arwas kohus otsusele minna ja mõistse:

Kunna Christian Birkenthal üttewisi häbemata wargust wõttab ajada - ehk küll joba siin kohtoman selle eest eest trahwitus sanu ja omma ellu ei wõtta parrandada - sis om kohus hääs arwanu selle Adam Oha kamaside warguse eest - mes ka häbematal kombel ja sure julgusega tettu - Christan Birkenthali 25 witsalögiga trahwi - ja peab Adam Ohale warguse otsmise ja käigide kullu 2 Rblh. masma. Christan Birkenthal saab päle selle omma kogokonda selle teedmisega tagasi sadetus, et sääl teenistusse saab pantus nink häste perra kaetus - selle et kogoni huka om lännu. Se otsus T.R.S. R. §712, 172 ja 114 kulutedu.

20tal Aprilil Christian Birkenthal wahi al Kergola wallawalitsuse kätte saadetu läbi P. Atel.

25 Septembril 1879 Adam Oha ülle selle mõistuse tunnistuse wälja sanu, selle et Kristian Birkenthal Kergolan ellab.