Kohtu een Kaibas Jaan Pannel: Et Rein Weski om temma poole sõsara Marri Wisnapuu palgast pool punda Linno masmata jätnu, selle perrast, et temma Kewwaja temma manno es jä. Nink temma naine Tiina ollew Marri Krampile kõnnelnu: Et Marri Wisnapuu om temmal 5 leisikat willu nink ütte kõrwa rõnga ärra warrastanu. Kunna nüüd Jaan Pannel sellega rahhul ei olle , nink palles Kohhut seda asja perra Kullelda ning säduse perra mõista.

Wastutas Marri Wisnapuu: Et Tiina Weski om kül sest willa wargusest kõnnelnu, ent mulle ei olle temma mitte üttelnu, et sinna willa warras ollet. Ent se 1/2 leisikat Linno mes Rein Weski mulle Kauplemise aigu lubbas, jät temma masmata, selle perrast, et minna tõises aastas temma manno es jää.

Tiina Weski ette kutsuti, nink Kaibus ette loeti, kelle pääle temma wastut: Et minnol om kül 5 leisikut willu kappist ärra kaddonu, ent kellegi pääle ei olle minno nimmelt sedda wargust üttelnu, nink sest Linna asjast ei tija minna middagie. Kas om massa wai ei olle.

Tunnistaja Marri Kramp ette Kutsuti, kes wastutas: Et temma om man olnu kui Tiina Weski om willu kaalnu, nink om üttelnu, et 5 leisikut willu om puudus, om kül Marri Wisnapuu ärra warrastanu sest temma käup iks õige tihti Ülle- jerwele Emma pole wast om temma neid sinna weenu.

Kui neil kellegil selle asja perrast ennamb middage ütlemist es olle, Moistis Kohhus: Et Rein Weski peat se pool punda Linno Marri Wisnapuule temma tahtmise pärra Talwiste pühhas ärra masma. Nink sedda Marri Krambi tunnistust wasta Tiina Weskit, om Kohhus tühjas arwanu.

Moistminne nink § 773 sai kohtun käujile ette loetus, kon nemma ka sellega rahhule olliwa.

Jürri Kramp xxx

Mihkel Soldan xxx

Gusta Rautsep xxx

Kirjotaja August Hallap