Kaibaja. Kängsepa Adam Duberg tõije kaibust wasta Jakob Haller tütterd Mai Haller, teenistuselepingi murdmisen ette, kunna sesamma henda aastateenistuste lepinu - ja käeraha wõtnu, ommeta mitte teenistuste ostnu, selle palle kohut, et Mai Haller saas lepingo perra teenistuste sunnitus.

Kaiwataw. Mai Haller tulli omma essa Jakob Haller manollemisen ette, ja ütles - minna kül Adam Dubergiga teenistuse lepingut kõnneli - nink saije kõnneldus, et essa ja emma ka sinna - kunna Adam Duberg minnu wannembid es wõtta, sis es woi ka ennamb minna.

Adam Duberg ütles ka essi, et Mai Haller kül wannembide perrast kõnnelnu - enge essa ehk wannembase kõrd mitte sääl ollu - sis päle lepingo temma essa mannu lännu nink selle käest nõudnu - kas ütten tullewa ehk mitte - ne sis se kõrd üttegi otsust andnu, ja ennambiste üttelnu, et temmast kül paljo minnejat ei sa - selle et sittamaa Allapõddral. Tunnistusi üttegi ei olle enne kui ka nüüd, selle arwas kohus otsusele minna ja mõistse:

Adam Duberg kaibus wasta Mai Haller, teenistuse lepingo murdmisen, om eesmalt joba ilmettekaemata ja kõrrata tettus sanu - kui Mai Haller lepingo tegemise man wannembide perrast kõnneles - sis es woi mitte wannembidega selgeste kokukõnneldus sama - nink sis weel käeraha andma, kas ütsinda ehk wannembidega - nink sis pidanu ka kats tunnistajat - nida kui sädus nõwwab mannu wõtma - nüüd om kül teenistuse kaup tettu - enge mitte nida kui pidi ollema - selle om kohus pidanu seda lepingut tühjas arwama.

Kohtu poolt om siski keeldmata - kui Adam Duberg Mai Halleri wannemba sinna wõttab - sis tekku selge leping - ja mingo.