Sel 15nel septbr 1878.

                                  Päkohtomees J. Kulberg.

                                    Kohtomees Joh. Kittus

                                          -  "  -      Jaan Pelowas

Weskimõisa wallitsus kaibap, et Wana Pigaste mees Warreste tallo perremees Johan Wahher om Weskimõisa mõtsast warrastanu, üts kuus 15 1/2 tolli kannu päält jämme 70. jalk pik, ja üts kuus 5 1/2 tolli jäme 35 jalga pitk ja üts kõiw 5 1/2 tolli jämme ja 35 jalga pik, ja nendest om ennegi Johan Wahheri käest kätte saatud (leitud) ütte kuse pu tüwwe tük, mes 5 1/2 tolli jämme olli, agga tõisest kahhest pudest ei olle middagi kätte saatu, Joh Wahheri majast, agga kik 3. om üttest koost raotud, ja et se kätte leitud tüwwi selle meije mõtsan ollewa 5 1/2 tolli jämuse kannuga ütte sünnip, wõiwad tunistada näggijat, mõtsawaht Andres Sootla, ja kohtomees Johan Kittus, mõllemat Weskimõisa wallast.

Wanna Pigastest Johan Wahher tullep ette, ja ütlep, et minna ei olle üttegi raggonu, karja pois om henda mõtsast üts kuus raggonu ja selle tüwwe koddo tonu, rohgemb ma sest ei tija, Agga et minna olle üttegi puud Weskimõisa mõtsast raggunu, ni kui minno ülle om kaiwatu, se om wõls, sest ma ei tija middagi, ei olle min(n)a, ei suurt ei ka wäikest puud W.m. mõtsast raggunu, ei ka om(m)a koddo tonud.

Karjapois Jakob Kedder, 14 aasta wana wenne usku, tulli ette ja üttel et tema om selle Warreste tallo mapäält ütte kuuse raggo hendale reegese parde puus üts tüwwe tük, ja sel puul lahhas wist ütte kilda, kas kannu, wai pu küllest, sedda ma ei tija.

Sullane Jaan Üwwa ütlep et tema sest ei tija middagi, ja peremehhe mõtsa tullekit olle ma nännu, agga kas perremees rõugo man olli seeni kui kohtomehhe tulliwa, ehk käis ta säält ärrä sest ma ka ei tija middagi.

J. Üwwa, ei olle eeldesi lännu prottolin ülles kirjotetud.

Sullane Johan Raies.

Se ei arwata tunise andjas kelbawat selle et ta lawwa kergun ei olle suggugi käinu ei olle ka eddesi linan protokollin kirjotetu

Tunnistaja W. mõisa mõtsa waht Andres Sootla ütlep et se Johan Wahheri majast kätte sadu märk, ehk kuse tüwi, om tõeste meije motsa kannu päält raotud, ja sünnip sellega ütte, agga ei sünni mitte Joh. Wahheri mõtsan ollewa kannuga suggugi ütte.

Weskimõisa koggokonna kohtomees Johan Kittus ütlep, et temma se assi om ülle kaenu ja wõip sedda tõeste üttelda, et se kätte saatud märk, ehk kuse tüwwi om selle alla murdunud kannu päält perri, ehk kassunu, agga mitte Johan Wahheri mõtsa kannuga ei sünni ütte, se om tõeste õige.

Kohhos moistis, et Johan Wahher peap nende 3me pu eest masma, 12. rbl 27. kop.

Johan Wahher ei olle selle mõistusega rahhol ja pallup prottokol wälja, 8. päiwani suremba kohtule sisse kibamise tärmi sai talle ka nime-

tetud.

                                                   Päkohtomees Jakob Kulberg  XXX

                                                         Kohtomees Joh. Kittus  XXX

                                                            -  "  -         Jaan Pelowas  XXX