Ludsa Märte tallohonete saisus sel 30 Oktobril 1853, nink man olliwa 

Samul Zimmer

Ott Zipp

1. Ait

5 1/6 sülda pik 2 1/2 sülda lai, saina keskmitsen saisussen, nink üttelt poolt kattus kõwwa, tõiselt poolt 8 ruut sülda kattust otsani halwa. 

2. Ait

2 1/6 sülda pik 1 5/6 sülda lai 3 allumist palki mäddänu, ja 5 ruut sülda kattust halwa, polilde linna luud. 

3. Laut ja Ziapaht:

4 sülda pik 3 1/3 sülda lai, saina ja laggi otsani mäddanu, nink ilma kattuseda. 

Agganik

3 1/2 sülda pik 3 sülda lai, saina omma keskmitsen saisussen üttelpool keskminne kattus, nink tõiselpool 6 ruut sülda wanna mädda kattust. 

Kodda

3 sülda pik 2 1/2 sülda lai, saina omma keskmitsen saisussen, 9 ruut sülda kattust wanna lauwa tükkest ja kuse tohhust. 

Sann:

2 2/3 sülda pik 2 sülda lai, saina omma kõwwa, nink kosse kattus. 

Laut ja Aganik.

4 1/2 sülda pik 2 1/6 sülda lai, saina ja kattus omma otsani mäddanu, ni et to hone sugguki ei kõlba ennamb parrandada. 

Selle päle nõudse Mõisawallitsus Märt Essajase käest kahju tassumist: 

19 ruut sülda kattuse parrandamisse	olgi 190 punda
nink neide katte otsani laina kattuse tarbis	"  440  "
Kokku	630 punda
19 ruut sülla kattuse katmisse palka	2 R	28.-
ütte lauda teggemisse palka	10 "
"  kattuse kattmisse palka	2 "	88.-
toise lauda teggemisse palka	10 "
" kattuse kattmisse palka	2 "	40.-
neide katte honete tarbis 180 palki wälja weddamisse hinda a 15 c.	27 "
Summa	54 R	56 c.
säält lähheb mahha Märtil
23 palki wälja weddamisse hinda	3 "	45.-
jääb massa	51 "	11.-

Selle päle mõistse se koggokonna kohhus, et Rehhetarre ennambiste Märte omma jõuga om ülles ehhitedu, nink ka temma ütsinda 600 punda olgi omma ütlemisse perra kattuse pääle om kattnu. Siiski nida kui Märt Essajas ommast kaddunu Essast maija olli jänu nink 16 ajastaiga perremees ollnu, sis moistse se kohhus, et Märtil segiperrast kui temma kül Rehhetarre om ehhitanu ka üts kõrralinna laut piddi tettu ollema. 

Selle lauda tarbis sai awatus:

100 palki wäljaweddamisse hinda	15 R.
teggemisse palka	10 "
kattmisse palka	2 "	88.-
Summa	27 R.	88 c.

nink 240 punda olgi. 

Märt Essajas kostse selle mõistmisse pääle et temma sega mitte ei tahha rahhule jäda, nink pallel lubba kirja suremba kohtu minna.