N 80. Waimela Kog. Kohtun sel 19 Aug. 76. Man olliwa:

Päkohtumees J. Tschuchna

abbi M. Traks, 

dito J Weiso.

Wallawallitsusse kaibuse perra, piddada siist walla nore mehhe seltslike, nimmelt poolpäiwa, pühha päiwa ja pühhi aigsid öösetsi koon ollemisse; olla ka nimmelt s 7/8 Aug. Riddali körtsin koon olnu, sääl henda seltsist köik suggutsid walla ammetnike nimmelisi ammeti mehhi wallitseman, kes alludi neide eest wötja peawa ollema ja ka töiste kokku tallitaja;

Sen seltsin hulkuda nemma öösel ümbre, ellada roppu ello, teggewad mitmasuggust kurja tööd nikui nimmelt: lahkuwa wilja hunnikuid ja posti teed, jowa körtse möda, peswa, kes neile pahhanduses juhtup ollema kui ütsinda kätte sawa ja käüwad kallil pühhi ajal awwalkult teed möda, tüdrikute man käimisse treppisid kanden ja häbbemata sönnu laulden kalli Jummala sanna kerrigo laulo wiisil. 

Saiwa nimmelt ne ammeti mehhe, ni paljo kui neid teeda ja siin perran tullewalt nimmitedu, ette kutsutus nimmelt, ni kui:

Wallawannemb Hindrek Klais;

I Wöörmünder Michel Mitt;

II dito Michel Pahl;

Päkohtumees Peter Pahl;

Kassak Johann Pahl.

Ne nimmitedu ammetniku tunnistasiwa omma ammetit öiges ja et töise neid se päle olla töstnu. 

Moistus: 

Täämba 2 näddali perrast peawa Kog. waeste ladiko masma:

Wallaw. Hindrek Kleis 4 Rubl hõb.

Wöörm. Michel Mitt 2 -" - "- 

dito Michel Pahl 2  -" - "-

Päkohtum. Peter Pahl 3 -" - "- 

Kassak Johhan Pahl 1  -" - "-  

Päkohtumees J. Tschuchna

abbi

dito

Sesinnane kohtu otsus sai neile S. §772 perra kulutedus ja nemma olliwa otsussega rahhul.

Kirjot. HKalkun.