Wallawannemb Jakob Andreson kaebas, et koolmeistre poig Jaan Märtinson temma 10 aastad wanna poig Kustat ilma süidi witsa kimbo-tüwwega 5 korda lönu ja selle pesmisse läbbi, om lats mitto paewa aige olnu.

Jaan Märtinson wastab, selleperrast, et Kusta teisel lastel olli löönu, lõie minna Kustat 3 korda witsa ladwaga.

Koolilats Liis Luik ütlep, minna näggin, et koolmeistre poig Jaan, Kustat 3 korda witsa tüwwega jälga pääle lõie.

Kog. Wannemb Jakob Andreson kaebas, et koolmeistre kooli maian mitto körda tansmist piddawad ja se läbbi koolimaia saab teotedu, sest Luika Johani tütred, Ann nink Leno ommawa koolimaian tansinud, sest tee päält ollewad poisi neid waggiselt sisse weddanud, Hans Laus ning Margus Jaanson om ka sedda nännu.

Moistus: Selle perrast, et koolmeistre ammet nink ka kooli latse wallitsemisse ei saisa mitte koggokonna kohhto nink ka koggokonna wallitsuse möistmisse, waid Kihelkonna kooli kohto ülle kaemisse nink wallitsemisse al, saab se protokol Kihhelkonna kooli kohtole ette pantus ja palleldus, et se assi sääduse möda sahas tallitedu. 

Se protokolli kirri saise koggokonna wannembale wälja antus sel 4 Januaril 1873

Päkotomees M. Müller (allkiri)

Kohtumees Aleksander Eisenschmidt (allkiri)

Kohtomees Hans Task (XXX)