Sel 1.sel webr. 1879.

               Päkohtomees Jakob Kulberg

               Kohtomees Johan Kittus

                    -" -          Jaan Pelowas 

Weskimõisa wallast Orrawa Johan Kedus kaibap et minna olle tütruk Trin Pokker hendale tütrukus kaubelnu enne Talwiste pühhi 2. näddalit aasta teenistust, 10. rbl selge raha  1. pund linno  1. nael willo, ja rõiwas piddada ja päle se 1. rbliline rät, ja 40. kop kässiraha sanu, tütruku kätte andnu, mes tütruk omma käega wasta om wõtnu. Katte kalo päle meije kaup es jä.

Türuk Triin pokker ütlep et minna kõneli kül Johan Kedusega sest kaubast eddimalt kül ni, agga selle päle lasti minno tarre ja kõnneli sest kaubast Peter Matzina naise Annega ja wõra tütrugu Liisaga Kelt, ja ne keeliwa, et ma kaup senis katski jätta, kui ma wanna perremehega kõnnela, ja selle päle jäi meije kaup katski, ja ma es wõtta käe raha ma es wõtta mitte oma käega wasta tema pand minu nõnna alla kambre akna päle, jät raha sinä, ja läts essi ärrä, ja nüid olle ma wana perremehega kaup tennu, ja ei lä mitte Joh Keduse mannu,

1. Tunistaja Ann Matzin ütlep, et tütruk Tiin Pokker om tarren käinu niide man nõu küssiman mes tetta, ja om selle nõuga Juhhanile ütlemo et kaup piddi pühhabas, ehk senis jäma, kui perremees koddo tulli ja perran üttel ta ka kui Juhan olli ärrä lännu et kaup jäi pühhapa päle, ja üttel, et Johan jät käe raha akna päle, ja lubbas taggasi  saata  Perran tütruku kauplemist om kokko massust kõnelnu Liisa Kelt, ütlep, et Johan Kedus om se tütruku tema läbbi wälja lasknu kutsu ja üttel et minna tulli tütruk kauplema üttegi muud asja tallitust ta mulle es ütle.

Kohos mõistis selle Johan Keduse kaebuse asja tühjas, selle et säduseliggult kaubeldu ei olle.

Johan Kedus ei olle sellega rahhol, om eddesi länu 

                                                   Sel 1. webr.

W.m. wal. Johan Argi kaebap Joh Keeduse päle, et J. Kedus om tulnud sis kui tedda koddon ei olle olnud ja om tema majan tema perret sallajalt, ja meelitamise wisil henda mannu kaubelnu, kellega tema sugguki rahhol ei olle, ja kellegile ei tahha särast kauplemist lubbata. Johan Keedus üttel, et tema om kül tõisel tütrukul, se Triin Pokkeri wälja essimäle lasknu kutsu, ja om ilm tõiste, rahwade ja perremehe koddon ollemata tedda kaubelnu, ja ei arwa sedda ni wasta sädust ollewat, mis tema selle tütruku kauplemise om tennu, J. Argi majan 

Kohhos mõistis et Johan Kedus peap 1 rbl trahwi masma, et ta om ilma perremehe teedmata om tema majan perret kaupleman käinu

parakraf 376.