Pedo Peterson kaebas, et temma Pühajerwe walla wannembaga ja ka Nõumehhega sel 27. Märzil s.a. kaupa tenno Maggasi aida puutöö perrast, agga nüüd om walla walitsus töö teisel meistril ärra andnu ja minna ollen se läbbi töö jäänu, se perrast nõuan minna aiga wiitmise ja kahjo eest 8 Rubla Pühhajerwe wallawannemba kaest.

Walla wannemb Mihkel Müller wastab - Minno Kontrahti perra piddi Pedo Peterson omma Maggasi aida puu töö sel 25 Julil s.a. walmist ärra andma, agga Pedo Peterson ei olle töö mitte allustanu ja tulle minno manu, et minna Pedol rahha peas andma, töö rahwale kae rahha andma, sest Palloperran ollenud temma tööst ärra aijatu ja nenda waesest tettu, et ta mitte töö rahwast ei woiwad kaupelda. 

Sel läbbi om Pedo Peterson essi omma kaupa kontrahti murnu ja mul piddi töö teisel meistril kallimka hinda eest ärra andma.

Moisteti: Seläbbi et Pedo Peterson essi omma leppingo om murdnu ja sel 25. Julil kui temma piddi töö walmist ärraandma, mitte weel allustanu es olle, moisteti kog. kohhus Pedo Petersoni kaebus tühjaks ja peab rahho jääma. 

Moistus kuulutati § 773 selletamisega.

Pedo Peterson es olle rahho ja saije oppuse kirri kätte sel 28 Augustil 1873