Nustago kaupmees Jaan Raudsep kaebas, et tema kengsepale Johan Krusel omi saabit andnu, et ta pias neid liisti pääle loma ja suurembas tegema, aga nüid om August Müller neid saabit endale ärrawõtnu. Nõuab saabit ehk 12 Rubla raha neide saabaste eest.

Kengsep Kruse ütlep: mina ollin August Mülleril 7 Rbl wõlgo ja lubbasin ütte paari saabit tetta, mul es olle aiga ja ne saaba ei saha tetdus. August Müller tulli minno tarren ja wõtsi wäggisel neid saabit ärra ehk kül minna keelsin, et ne mino saabit ei olle.

Tunnistaja Jaan Kuusk ütlep: August Müller tulli kengsepa tarren ja küssi kas mino saaba om walmis, mul om soldatis ärraminek ja saabit om mul tarwis. Kengsep Kruse ütli ei olle weel walmist. Siis wõtsi Müller 1 paar saabit saina weere ja kengsep essi andi sukka, et wois proowito kas saabit kolbawa. Perrast läks Müller saabastega ärra.

Moistus: Kengsep Kruse peap Kaupmehel Jaan Raudsepal 1 paar saabit teggema ehk kui Raudsep saabit wasta ei taha wõtta massap 12 Rbl raha ütte kuu aija seen olgo ärra mastus.

Moistus saije kuulutedus §773 selletamissega.