Sel 16nel webr 1879.                                       Kaebus.                                           Otsus tehtud sel 13nel april 1879.

                              

                                                   Päkohtomehe abbi Johan Kittus

                                                       Kohtomees Jaan Pelowas

                                                     abbi  -"-       Peter Kulberg.

Krüüdnerist Marri Rehha ütlep, kaebap, et Weskimõisa wallast Jakob Kulberg peale, et ma olle temmaga poig lats sanu, 17nel oktobril 1875 a eddimäne kokko ellämine olli 1874. a päle Orriko lade 2. näddälit pühapa õddango, rasedas jäi ma 8tal webruaril olli mul just öse weel kokko ellämine ja sel samal jäi ma rassetad. 1875.

8sest webruarist om 17ne oktobrini 36. näddälit aega

Tunistaja Karl Aidniku naine Tamm ja Lena Rekkerts aiguse läbbi tullemata jänu

Jakob Kulberg ütlep et se wõls om, mes Marri Rehha om kaiwanu.

1. Tunistaja

Tunistaja Leena Rekkerts üttel, et minna sest asjast middagi ei tija.

pääle kolmanda tunistajat ka kirja pantu.

Witrik Adamsohn üttel et ta om roho klase tütruk Marri Rehha kirston nänu, ja ta üttel et Jakob Kulberg om neid tonu mulle jomise tarwis, ja mina keeli se rohho jomise ärrä üts kõrd kõnel Jakob tütrukuga Tame nurmen ristikhaina rõugo man, ja perran Orriko lade pääl, enne maha samist õkwa 

Marri Rhha üttel et Jakob Jani p Kulberg olli süggise talgo aigo minno ja Lena Rehhertsi wahhel sängin kül wast ütte tunni aiga, pikkut enne, mitte muud ei tia.

6. Weskimõisa wallast Jaan Nuhma tulli ette ja ütel et sel talwel kui se lats ja rohgemb kui aasta wanna olli, üttel Jakob mulle, et minna olle ahwokati man perra kullelnu, et selle perrast na mulle middagi ei tewa, et minna tan nüid weidigene essinu olle Kellega ta essinu olli es küssi minna, ja es ütle tema ka essi. 

2. Tunistaja Nerotist Kristo Pettersohni naine Ann ütlep et min(n)a olle 4. kõrd nännu neid kõnelewat, 1. kõrd näi mina kui Jakob Kulberg tähhe maha lask Tame lauda korwale ja Marri Rehhe wõt se tähhe ülles ja minna tütrikukene (lats) luggi säält päält, ja mul ei olle selgelt melen mes sääl pääl olli, ja sel samal kõrral olli tema Marri kutsnu mõisa ristikhaina rõugu manu, ja sedda ma näi, et na sääl kõnneliwa, se olli suwel enne röa põimo,

Tõine kõrd olli süggise pole näi ma kui na kõrtsi (Tamme kõrtsi) taade lätsiwa kõnelema

Kolmas kõrd päle selle näi ma kui na Ottepa kerku mant Nuustakule lätsiwa tütrukuga ütten  Kewwäja pol talwe pois laste aigo sis olli lats jo käen pois laste õnnistamise päiwal.

Neljas kord Orriko ladel kuts Jakobi Kulbi Jaan Illak laade kohto majast wälja, ja sis lätsiwa selle tütruguga Marri Rehhega rahwa sekka.

Ja se täht mes ma kohto ette olle tonu om Marri minno kätte andnu 1878 a kewaja pool suwwel.

Et neil suur armastus tõine tõise wahhel olli wõi ma kül selgest üttelda

 Se ette todu täht om ni,

Minno armas armoke ärrä panne pahhas minna ei sa mitte tulla, Minna lä pulma Wallawanemba pole, tulle näddäli perräst

(Täht sai Joh Küttuse kätte hoito)                                     Jakob Kulberg

Jakob Kulberg ütlep, et minna ei olle se täht ja ka muid tähti mitte üttegi talle andnu, ja se täht mes mes ta mulle ütlep saatnu ollewat ja minno käest taggasi sanu ollewat ei olle ka minno käen olnu. Ja mina näi tema horamist meije pool mitto kõrd, Karl Aidniko näi ma suwwel mitto kõrd sääl tütriko Marri Rehha man käiwat, nimelt üts kõrd suwel kui tikkerpu marja kütse es olle  Ja minna arwa et Jakob Kulberg Jani poig ka om sääl käino kas Kaarli Aidnigo ütten, wai olli ta ütsinda ei olle mul selgest meelen. Ja se Karl Aidnik käis talwel Marri man just talwiste pühil, mes Jaan Pärtz ka näggi se olli minno sullane, ja webruari kuul olli Nerutist üts pois Johan Reino mul linno arriman sellega olliwa na sulla sõpra, minna lätsi essi ärrä Pärno ja se poisi Johaniga Reino, ollewat na Marriga ütten sängin magganuwa  Tijap Jaan Parts kõnnelda kes mulle kõnnel kui ma koddo tulli, ja päle om ka Witrik Adamsson minno majan paljo kõrda käino, ja om Marriga omman sanin ja nukka taggan tennü ja ka pari wisi olnuwa, ja kui mõnni kõrd ennembi maja rahwas maggama lätsiwa, sis lätiwa Witrik Adamson ja Marri Rehha mõllembe Marri Rehha sängi kost ta wast kesk öse weel ärrä läts mes mu ka eggä kõrd es kulegi ja sedda ma arwa ka et Jaan Pärtz sedda Widrige asja saap mälletama

Marri Rehha ütel, et Karl Aidnik om 3. kõrd muide asju perrast sääl Kulla majan käinu, öse, aga mitte ei olle minno man üts minnot magganud mes ta sääl käis ei tija minna, aga üts kõrd om ta üttelnu nalja perrast et tem(m)a ollew oma prudi pole tulnu.

Ja Jakob Kulberg Jani poig om 2. kõrd käinu, üts kõrd ennegi olli ta minno sängin ja tõine kõrd mitte, Lena Rekkert olli ka sängin kui Jakob Kulberg Jani p. sangin olli

Se Neroti pois Johan Reino om kül wäega weidi aiga sängin olnu rohgemb mitte se olli üttel kohto päiwa reedil, agga kui Jakob Kulberg Pärnon käis ei olle se pois Johan ?     mitte tem(m)a sängin sanu

Widrik Adamson on kül Kullal mitto kõrd käino, juttu ei olle ma Widriga sanin ei ka saina tagga koskil, konagi  Tarren olle ma kül juttu ajanu agga mitte sängin, ja Witrig ei olle ealgi sääl olnu kui maja rahwas jo maggama lätsiwa, juttu ajanu olle ma wäljas wöruse läwe pääl, ja ka omma kirsto man aitan.

Jaak Wään om tunistaja kirjide man Krüidnerist

Tunistaja Ann Pettersohn üttel, et ma näi täl rohhosid ollewat, 2. klasiga, ja ka kuiwi rohte, üts klasi rohi pallot minno rätti weel ärrä, ja Marri Rehha üttel et ne rohho ollew Jakopil todo temale sisse jämise tarwis: ütte klasi rohhi olli werrew ja tõise klasi rohhi olli must ja korgi olliwa mõllemba pääl ärrä pallanu, ja ma kuldsi et ta neid rohte es pea joma.

7. Jaan Pärtz ütlep et tema se Neroti poesi Johanit ei olle ma Marri Rehha man nännu, mud kui talleste pühil Karl Aidnik ja Johan Ernet sis olli ka tulli üllewan ja rahwas tarren

3mas tunistaja Krüidnerist Jaak Wään ütlep, et tema ollewat neid tähti arwata 4 tükki luggenu, mes Marri Rehha mulle luggeta andis, ja neil tähhil olli ennamest iks Jakob Kubergi nimi al, ja mõnni olli ka ilma nime alla kirjotuseda, aga se kirjotaja worm ehk käe kirri olli kigitel ütte-

suggune ja nende tähte kõnne olliwa allati armastuse asjast kirjotetu, ja nimitiwa neid kohhasid kos nad jälle tõine tõisega tõesega kokko wõisiwa sada ja nende kõnnede mastut tähti olle ma Marri Rehha palwe päle kirjotanu arwata wast 7. ehk 8 tükki ja saiwa kik Jakob Kulbergi nimme päle walja sadetus, agga mõnni ka ilma wäärnimeta, sai paljas risti nimmi.

Tammest Karl Aidnik ütlep et mina olle kül mitto kõrd sääl tütruku man käinu nimel sel aastal 3. kõrd käino agga mitte üts öö Marri Rehha man magganu wait tõiste kuulden ennegi juttu ajanu, tallispühi ööl olli wahhel tulli üllewan ja wahhel kisto tulli ärrä, sel kõrral ollime Johan Ernitz.

Weski mõisa wollist Jakob Kulberg ütlep et ta ei olle mitte Karl Aidnikuga ütten Kullal kaino waid üts kõrd talgo aigo om ta sääl olnu weidege aigo katte tütruku wahhel Lena Rekkerts olli tõine tütruk Johan Kittus om ülles andnu wõip maha jäätud saata