Karl Pantalon and selle Kohtu een ülles, et temma Eespäiwa sel 15sel kuupäiwan omma rahhapunga 8 R. hobbega om ärra kaotanu, nink selle punga om Jaan Pudersell ülles löudnu. 

Mihkel Rimm tunnist, et temma om man ollnu ja nännu, kui Jaan Pudersell se Karl Pantaloni rahhapunga maalt ülles wõttnu ja omma karmani pandnu, nink se rahhapung ollew rihmaga kinniköudetu ollnu. 

Hindrik Hinn tunnist sedda samma, et temma ka nännu om kui Jaan Pudersell se nimmetedu rahhapunga maalt om ülleswõttnu, nink kenda karmani pandnu, ja ütte wäikesse ao perrast Hindrikele näudanu, nink se pung ollew ilma rahhata ollnu. Kui Jaan sedda nimmetedu kotti maalt om ülles wõttnu, sis om Hindrik hennast temma poolt ärra kandnu, nimmelt selle et Jaan es peas mõttlema et temma, temma perra kaeja olles. 

Jaan Pudersell tunnist essi, et se awwalik om, et temma selle Karl Pantaloni rahhapunga om maald ülleslöudnu, ja ka omma karmanni pandnu, nink se kott ollew rahhast tühhi ollnu. 

Otsus: 

Et Jaan Pudersell selle Karl Pantaloni rahhapunga maald ülles olli wõttnu, ja mitte tool sammal kõrral eggale man ollewa rahwale näudanu, et ta pung rahhast tühhi olli, sai moistetus: et Jaan Pudersell ne 8 R. hõb: Karlile peat ärra tassuma.