Sel 27tal april 1879.

                        Päkohtomees Jakob Kulberg

                             Kohtomees Joh Kittus

                                   -  "  -      Jaan Pelowas.

Weskimõisa wallast. Johan Pan kaibap Weskimõisa walla perremehhe Johan Tomeri päle, et Johan Tomer om tälle 6. rbl 75. kopkat wõlgo, ja ei tahha ärrä massa  enne 1. kõrd olli raha oduse eest 1/2 waka linaseemnid kül

Johan Thomer ütlep, et temma om Johan Pannile 2. kõrd 1/2 wakka linnaseemne külwi jaolt maad andnu, kokko om 1 wak linnaseemnid kül-

wetu olnud, mino nurmen, sellega om se wõlg 6. rbl 75 kop ärrä tassotu, sedda teawa, tunistata Karl Zeik Jakob Welman ja Jaan Irtt, mino man olnud sullaset.

Johan Pan ütlep se wõlle ollewat, ja ütlep et täl ei olle rohgemb kui 2. kõrd 1/6. seemnid Johan Tomeri ma pääl linna olnud, ja se om 16 rbl 75 kop rahha wõlla oduse eest olnud, agga mitte wõlla tassomises.

1. Tunistaja Karl Zeik ütlep et Johan Pannil om 3. kõrd linna Johan Tomeri ma pääl olnud, egga kõrd arwata täwweste 1/2 wakka ma maad olnud, mes eest se linna olli tettu ei tija minna, üts kõrd olli kulda rahha otsuse eest, katte kõrrast ma ei tija selget mes eest se olli tettu.

2. Tunistaja Jaan Irtt, ütlep, et kats kõrd olle minna nännu Johan Panni linna Johan Tomeri ma pääl, arwata egga kõrd 1/2 wakka ma täw-

weste, tõine kõrd ma näi seemnid külwi ajal, sis olli 1/2 wak seemnid täwweste, mes eest se olli ma ei tija, ja 1. kõrd om enne minno ja Panni linna Johan Tomeri ma pääl olnud,

Kohhos mõistis, et Johan Panni kaebus jääp tühjas.

Johan Pan ei olle sellega rahhol pallep 8 päiwa mõtlemise aiga.

                                                                     Päkohtom Jak. Kulberg  XXX

                                                                      Kohtom. Joh. Kittus  XXX

                                                                         -"-       Jaan Pelowas  XXX