Wanna Lokkomatsi Jani Grossberg pitti Kontrakti perra Lokkomatsi Tallu mannu ehhitama kats wastset Lauta ning üts Kün ning piddiwa 12 sülda Pik ollema ning ka to wanna Ait piddi hüwwan Körran ärra antut sama ning piddiwa ka kik Usse ajjat körran ollema.

Kontrakti perra kui Jaan Grossberg waesusse perrast sai wälja majast, olliwa leitut, et üts Laut ning Kün ütte kokko wies üts pool sülda pik om, Ait hopis laggunut ning olwa kattusega olnut ning ka polet Usse aijat ommawa hopis pudus. Om ka to wastse Lauda kattus pält arjamatta ja hopis wallale.

Jaan Grossberg wastab to päle, et oige om nida, ent temma ollewa ilma Kontrakti noutmatta ütte Koja ning ütte Sanna ja weel kats Kambrit Tarre külge ehhitanut.

Sab to Päle Moistetut: 

Sab Jaan Grossbergi Oksjoni Rähhast wastse Perremehhe Bernhardt Grünbergille wälja masse tut sama: 

1. Aida Kattusse Oelgi tarwis ning ka parrandamisse tarwis - wies rublit.

2. Aija Puie weddamise ning teggemisse tarwis - wies rublit

3. 6½ sülda Laut pik Kattusse Oelgi ning neen wiike teggemisse mannu - kümme rub.

Ütte kokku katskümment rublit oebbetat.