Nüüdenne Palopera wallawalitsus tõst Kaibuse endisse wallawallitsuse pääle, walla Kassade raha puuduse perast, sest kui endine wallawalitsus omma wallitsust käest ära andnu, sis puudunu sest rahhast, mis kas jäden pidanud olema  (Tenijate Kassa, Waeste Kassa, Magatsi kassa ja waeste laste kassa) 210 rubel 79½ Kopk ja Kronu wilja rahhast 85 rubla 86 Kopk. Summa 296 rubl 65½ Kopk.

Wanna wallawallitsus andnu üles, et se nimmetedu rahha summa olewat wäljan wõlan ja et ülle ültse olewat walla raha wäljan wõlan 308  Rubel 7 Kopk, mis enambist sedamoodi jäänu, et kõik pea raha masja omma pä raha mitte oigel ajal jöudnu äramassa ja selle perast, et Rentereide massmise termin ommete pidanud täwwest peetus saama, pidanu pearahhale, kui seda weel puudus olnu, wallaladikust abbimannu wõetus saama. Selle Nõuga, et seda perrast jällegi wibimato sisse nõuda ja taggasi ladikust wõetu raha jälle sinna tagasi panda, aga et se assi mitte egakord täwweste äratäüdetus ei olle wõinu saada, sis olewat se wõlg nüüd joba ni suures kosunu, nõudgu nüüdene wallawalitsus se wõlla raha sisse, sis sawat se puuduw raha summa töüs ja jääwat weel ülegi.

Nüüdene wallawalitsus nõudnu neid wannast wallawalitsusest üles antu wõlg oma wõla ära tasumises Kogukonna Kohtu abiga, ete sis samusest ülesantu wõlast, mis 308 Rubel 7 Kopk suur, ära mastus 62 Rubel 64 Kopk j 127 Rubel 25 Kopk. sanu, sest üles antu wõlast sedamöödöpü tühjas tetus, et ette tulnud wõlglaise omma Konto raamatidega tunnistanu, et neil suguku wõlgu ei ole.

Ne ülle opitu wõlglaise, Kelle nimmede pääb üllesandmise pera wanast wallawalitsusest weel sest wõlast 118 Rubel ja 18 Kopk seisab, ei ole selle perast weel mitte este kutsutus wõimu saad, et nemma innambist wööras paigades elawa ja mite ka nõudmise perra omma masse ära öijendama ei tule. selle perast ei ole neist mite teada, kas neil om ka massa woi ei ole.

Kutsuti ete wana wallawalitsuse liikme, nemmad ei wõinud mite salata, ei ka wõlsis tunnisdada, et walawalitsust käest ära anden wallakassade raha man, ni paljo puudunu, nimmelt 296 Rubel 65 ½ Kopk, waid w.wallawanemb Widrik Stamm töst kaibust, temma ajatse wallakirjutaja P.Paul pääle, et temma andnu paljo asjade ja nõudmiste pääle raha wälja alla Kassadest, mis puttuwa Kassa ramatin kui "wälja minnek", pidand üles märgitus saama, aga mite ei ollewat, ehk temma kül seda mitteokõrd kirjutajal käsknud teta.

Moistus: Et se puuudus wanna wallawalitsuse ajal wallakassa rahade man jäänu, sis peap ka wana wallawalitsus seda puudu raha summa 234 Ruble 1½ Kopk äämasma ja nimelt sedda wisi:

1. wana wallawanemb Widrik Stamm massap 100 Rubel selle, et tema käen kige ülemb wallawalitsus olnud.

2. Wöörmünder Jaan Ajasto massap 40 Rubl, sest et tema pää wöörmünder olnud.

3. Wöörmünder Johan Rubel massap 35 Rubl.

4. Wöörmünder Jaan Kuus massap 35 Rubl., sest et neide kain ka laadeku wõtma olnu.

5. Wöörmünder Jaak Wäärs massap 24 Rubel, sest et temma käenn mitte ladeku wõtnut olnud. 

6. Mis wannal wallawanemba selleaije kirjutaja Peter Pauligo omma ammeti pidamise asjade poolest õijendamist om, saap üten töisen protokollin auliko IV Kihelkonna Kohto ülekuulamise alla saadetus, sest et Peter Paul tunnistanu, et temma sija Kohto mannu ei tulle ja et temmal neide asjuga tegemist ei ole. Olgo sis, et Aulik Kihelkonna Kohus teda nõwwap seda tetta.

Moistus saije Kuulutud Tallorahwa sääduse raamatun paragrahw 773 ja 774 selletamisega. Wanna wallawalitsus ei olnud rahul, waid pallus protokolli Keiserliko IV Kihelkonna Kohto. Sa lubbatud.