Sel 4dal mail 1879.

                               Päkohtomees Jakob Kulberg.

                                   Kohtomees   Jaan Pelowas.

                             abbi    -"-        Johan Androwitz

Weskimõisa wallast Jaan Masser kaibap et Weskimõisa kogokona kohtomees Johan Kittus om mulle Weskimõisa mõisa kõrtsi läwwe tagga ni rängaste lönu, et ta mulle pähhä surma lögi lei, ja muido pes ta minno kelle ülle ma arwo ei tija üttelda. Sedda peawad teedma näggija, kõrtsimees Mihkel                             ja Johan Ellen, ja Ants Poots, ja Peter Suitz.

Johan Kittus üttel wõip olla, et ma sääl abbenit sillitsi lönu ma ei olle tälle, ja si olleme wäljan koli tarre man, ja Orrigo kõrtsin jõime weel päle.

Kõrtsimees Mihkel Pendsa ütlep et minna es näe nende kakkelust, se olli wäljan olnu, sedda Jaan Masser essi üttel, et kae mes na mulle teiwa, muud ma ei tija. Ants Pootzi lei ta mahha kõrtsin

Peter Suitz ütlep, kui ma mäelt sömast alla kõrtsi tullit, sis olli Jaan Masser kõrtsin, ja tuikerd kõrtsi pengi pääl, ja ma näi et täl pä likke olli, ja kas täl werre, ehk weega likke olli sedda ma es kae. Se olli päle kella 8. aja õddango, ja Jaan Masse jä kõrtsi kauba lawwa ette soigma, roh-

gemb ma sest ei tija.

Ants Poots üttel, et temma Jaan Masseri pesmisest middagi es näe, minna lätsi kõrtsi, ja Jaan Masser kit omma hobbest ülle kige joosgew, ja ma ütli mes sa sitta kittat, selle päle lei Jaan Masser minno maha kõrtsin, ja kui ma päle kella 9. ajal õddangut sömast alla tulli sis olli Jaan Masser kõrtsin, ja minna es näe tema lömisest middagi, ta jäi kõrtsi, Johan Kittuse ja Johan Elleriga.

Johan Ellen ütlep, et kella aiga minna kül ei tija arwata õddangu kel 10. ehk ka rohgemb, minna lätsi kõrtsist wälja, ja Johan Kittus ja Jaan Masser olliwa rinnotside kinni wõetud ja Johan Kittus, üttel pästa tema kurrati käe rinnost ärrä, ja mina pästse Jaani käe Johani küllest ärrä, ja selle lei Jani pikkali mahha selle päle wõt Johan Kittus kõrtsimehhe hao ridast ütte puu ja sellega lei ta Johan Kittus Jaan Masserile, rän-

gaste 2. ehk 3. kõrd pähhä, ja kui ma näi et Jaan ni rängast lüwwa sai sis ma lätsi ärrä kõrtsi, ja Johan ja Jaan jäiwa wälja, päle se tulliwa ka nemad mõllemba, Johan enne, ja Jaan perrän kõrtsi, ja Jaan üttel Johanile ikken et sa leit mulle wäega rängast ja pä olli Jaanil werrine, ja kõrtsimees näggi sedda, et Jaani pä katski olli ja mõisa poisi olliwa ka kõrtsin

Jaan Masser nõwwap selle eest 150. rbl Johan Kittuse käest. 

Johan Kittus üttel, et minna olle se 3. rblaga masmisega ärrä lepnu.

Kohtomees Johan Androwitz üttel et se 3. rbl, mes Johan Kittus Jaan Masserile lömise eest  et piddi tassa ollema

Johan Ellen üttel ka, et 3. rbl om Johan Kittus Jaan Masserile lömise eest masnud.