Sel 6 juli 1879.

                      Päkohtomees  Jakob Kulberg

                      Kohtomees     Johan Kittus

                          -  "  -         Jaan Pelowas

Weskimõisa mölder Jaan Treffner kaibap, et Wastse Ottepast Karl Liin, om temal weski paalt üts raud kang süggise 1878. a septembri kuul ärrä warrastanu mes 4. rbl massap. Selle man tunistajat om Wastse Ottepast Jaan Moritz ja Kusta Kroon ja mino kiwi om selle läbbi saisnu, kuni ma tõise kange sai henda murretseda, ja ma olle selle kiwwide saismise läbbi 12. rbl kahjo sanu, se om kokko 16. rbl mes ma Karl Liin käest nõwwan.

Tunistaja Wastse Ottepast Jaan Moritz ütlep, et selle tallo karja pois Ants Look om tälle üttelnu et Karl Linal, om üts kang, ja Orriko weski päält om üts kang ärrä warrastetu, ja se om wist se kang. nänno mina essi ei olle rohgemb minna sest asjast ei tija.

Tunistaja Wastse Ottepast Kusta Kroon üttel minna kuli Jaan Moritze käest, kui ta Orriko weski pääl kõnnel, et Ants Moritz Kisto tallol (perremees) om Jaan Moritzele kõnnelnu, et poisil Karl Liin om üts raud kang , et Jaan Moritz ni kõnnel sedda kuult ka Märt Pukk, Wastse Ottepast

Karl Liin üttel et tema ei olle see kang mitte warrastanu, mes täl om, sedda om ta Tartost talwel Talliste pühi ja Küindle päiwa wahhel ostnu üts raud kang, ja suur nukka saak ütte 250. kop. ja se kang olli mul kewajätsel talwel kerko kiwwe weddada, ja olli ka otsmise kõrwal sääl kambren kos minno kraam kik olli kirstun, ja sedda kammerd ei olle suggugi läbbi otsitud ja se kang om ümmärik kang tõisest otsast tõiste, ütsinda ots om lappikus lödu

Selle poisi nimi ollu Ants

Wastse Ottepa mõisan elläme nüüd essa nimi om Maddis Liin

Kohtomees Ants Kuus üttel, et minna olle täweste küssinu Maddis Lina käest kos om sinno ja poja kraam näita kik oma ja poja warrandus läbbi, ja kui se Maddis Liin kraan läbbi kaetus sai sis sai küssitus, kas teil weel krami koskil om, egga sis meil mitto paika ei olle sijn om kik, mes meil om, ja et poja nime päle kange otsiti sai ta selgest teeda

Märt Puk üttel et ta om kül kulu, et Jaan Moritz om Kusta Kusele konelnu et poisil raud kang om, ja et ta Antso käest om kulda sanu, agga ei tija märätse Ants kaest ta se jut om kuulda sanu 

Kisto perremees Ants Moritz ütlep et ta ei olle sest kangest enne leidnu kui perran otsimise päiwa et kang ollew minu poisel Karl Linal se eddimine kuulmine otsmise päiwal sai ma selgest teeda, ja kohto mees küsse otsmise päiwal Karl Lina krami ja shahwri kambren om perre-

mees ütten olnu, ja üttel kik oma krami ollewat, se saag olli enne Talliste pühhi puije lõigata ja se kangega lät ta ka Jürripäiwal ärrä, selle treito pädega saag.

Karja pois üttel et talwel om K Liin konne et täl uts raud kang om, ja üttel antnu ollewat ja essa sai ka talwel teeda et Karlil kang olli

                                       Sel 6tal julil 1879. mõistetu

Kohhos mõistis et Karl Liin peap möldrele 4 rbl kange eest 6. rbl möldri aja wiite kahjo, 3 waeste laegu  Suma 13 rbl.

Maddis Liin peap 1. rbl masma trahwi 

Ants Moritz peap 3. rbl trahwi masma

Naad ei olle keagi rahho, ja pallup prottokol wälja, kolmandal päiwal saap prottokoll.

                                                              Päkohtom. Jakob Kulberg  XXX

                                                              Kohtom    Joh. Kittus  XXX

                                                                 -  "  -      Jaan Pelowas  XXX