Sel 14nel detzbr 1879.

                              Man olliwa Päkohtomees Jakob Kulberg

                                                     Kohtomees Jaan Pelowas 

                                                    abbi  -  "  -   Peter Kulberg.

Weskimõisa wallast Johan Rekkerts kaiba, et sel möda lännu redist 7tast kuni, 14ne detzembreni 1879. a om mul koopast arwata 5. wakka kartowlid ärrä warrastetu, ja nende kartowlide proom om kätte sanu Wanna Prangli wallast Jaan Rosentahli käest, (koopast.) Selle man tunnistajad ommawad, Wana Prangli kohtomees Jaan Ulst, ja Weskimõisa walla abbikohtomees Johan Androwitz. 19. kaali olli ka ärrä warras-tetu mis ma Põtra Otti käest sai.

Ja sel sammal wiisil kaebap ka selle samma asja perrast Weskimõisa wallast Jürri Märs et täl om 6. wak kartowlid sel sammal ajal ärrä warras-

tetu, ja om ka ülles leido selle samma Jaan Rosentahli käest, koopast ja ommawa ka need sammad kohtomehhed ülle kaenud, Jaan Ulst ja Johan Androwitz.

Wana Pranglist Jaan Rosentahl ütlep, et täl om mittud kartowli sorti, nimelt om 1. Wäigese werrewid, 2. Rosa werrewit, 3. Warrajatse (kessä kartowli, walgid 4. sort) tõisi sorte mul ei olle, ja mu sure warratset saiwa alla põhja pillutus ja süggise, neid ei olle weel arwata prukmises ette tulnu. Kaali olli ka minno koban pääl iks rohgemb jaggo. Ja Jaan Rosentahl üttel, et kik kartowli minno koban om seggi läbbi ütte karwa põhjani

Karl Rosentahl Jani p. üttel, et sure warrajatse omawa koopa läwe alla korjatud.

1. Wäige werrew, 2. musta werrew, 3. walge örigo, 4. walge pulu, ehk wina kartowlid, 5. rosa werrew (6 kessa kartowlid, ehk warratse sure örigo)

Kohtomehe Johan Androwitz ja Jaan Ulst ütlewa, et põhjan olliwa selge werrewa ja pääl pool, kik sordi seggi läbbi, ja kaali tulliwa ka alt poolt kartowlide seast kui tõist sorti kui ne mes pääl olliwa, temma omma kaalid.

Kohtomees J. Androwitz ütlep, et selle kartowli warga jälle omma tema usaija ja olli ka tema kopa man ne jälle lähhitele lännu, ja kartowli mes temma kobast leidi om ne mes ma sullasele anni, ne sure warratse, ja kik se kartowlide saisus olli selgest tutta, ja nättä et se es olle mitte ennamb süggisetse saisuse sissen, waid olli ni kui konnagi wastsest päle pantud kartowlide saisus

Sedda sama üttel ka Wanna Prangli kohto mees Jaan Ulst, et koba saisuse luggu tõeste mudetud olli, nink es olle mitte ni kui üts süggise pantud koop, waid ni kui üts kos wärskelt päle toodud olli

Kohhos mõistis et Jaan Rosentahl peap need kartowlid ärrä masma, Johan Rekkertsile 5. wak ja Jürri Märsile 6. wakka, ja kui mitte kartow-

lid ei sa, sis peap 1. rbl 30. kop egga wakka eest masma, ja 8. päiwani peap ärrä mastu ollema, ja warguse eest 30 lögi, ehk 6. rbl.

Jaan Rosentahl ei olle sellega rahhol, ja pallus prottokol wälja, 8 päiwani suremba kohto päle sisse kaibus sai nendele nimetud.

                                               Päkohtom Jakob Kulberg.  XXX

                                                Kohtom   Jaan  Pelowas.  XXX

                                             abbi  -  "  -  Peter Kulberg  XXX