Sel 1 webr 1880.

                        Pakohtomees Ott Illak

                              Kohtomees Jaan Allexandersohn

                                -  "  -       Johan Kedus.

Weskimõisa karjamõisast Jaan Matzin kaibap et Leena Sild om ilm asjanda sõimanu, ja teotanu kigel wisil, ja päle se wissas weetopiga kige weega mulle rindo wasta, ja päle selle wissas panniga se es tulle külgi, sis wõt puu hallo ja lei mulle 3. kõrd olla päle, sis ma wotti puu hallo kinni, ja sis jät puu hello minno kätte, ja läts essi oma nukka,

Leena Sild üttel, et ta ei olle Jaan Matzinale middagi tennu Jaan om mulle sedda kik ten(n)u

 Johan Arbi üttel, et tülli allustaja om eggal ajal se Leena Sild, ja ni sama ka sel kõrral ja tema naine Leena üttel ka et se Leena Silla poolt om egga kõrd tülli allustanud ja ni sama kuli ka sel kõrral, et enne olli toobi wiskamise elli Leena Silla poolt Jaan Matzina pole, ja perrast olli panni elli ni sammate, sis nakkas Jaan Matzin röökma et ärrä tap, nüüd, sõimanu om ta Jani naist allati numre litzis.

Sohwi Ott üttel, et toopi, ja panni wiskamise elli läts Leena Silla poolt Jaan Matzini pole sis nakkas Jaan Matzin röökma, et ärrä tap toopi, panni ja puuga, ja sõimanu om ta kül tedda kigel wisil naist Numre litzis allati.

Kohhos mõistis, et Adam Sild peap 1. rbl waeste laega hääs masma, et oma naist ei keela tülli teggemast, ja naisel Leenal 2. rbl waeste laegu hääs trahwi peap 2 näddalini masto ollema

                                                                       Päkohtomees Ott Illak  XXX

                                                                            Kohtom.   J. Aleksandesrsohn. XXX

                                                                                 -  " -    J. Kedus  XXX