Sel 4tal april 1880.

                            Need samad kohtomehed

Wana Pranglist Maritze kaupmees Jakob Pluum kaibap, et Weskimõisa to mees soldad, Johan Steinpahg, om tälle 5. rbl 40. kop wõlgo jänu 1879. ja lubbas illust ärrä massa kui me wõlla rehnung kokko arwasime, agga nüid, ei olle weel saant seni ajani masnud, selle man kuuljad oliwad Wana Pigaste kutzar Karl Põddersohn, ja wallitseja Erleman kes essi se rehnung meil kokko arwas.

Johan Steinpahg tulli ette, ja üttel, et mes ma wõtti, sedda, ma olle ka kik ärrä masnu eggal wõtmise kõrral, ja nüid ei olle mul middagi ennamb massa.

1. Tunistaja kutzar Karl Põddersohn tulli ette ja üttel, et ma olli enne Jürripäiwa 3. päiwa essi man, kui mõisa wallitseja Erlemanile Pluum tema wõlla ülles andis, agga kui paljo täl wõlgo jäi, sedda ma kül ei tija, agga, et täl wõlg massa jäi, om selge õige, ja se wõlg ei olle ka mitte joodu wõlg, se om ka toido krami päle sanud, kalla, ja sola, ja ni eddesi.

Kohhos mõistis, et Johan Steinpahg peap selle Jakob Pluumile 5. rbl 40. kop 2. näddälini, ja peap 12 tundi kinni ollema et ta kohto een om krop olnu,

Johan Steinpahg, ei olle sellega rahol, 8. päowani suremba kohtole sisse kaibus om tälle nimitetu, ja kaebuse (oppuse) täht wälja antud.

                            Päkohtomees Ott Illak  XXX

                               Kohtom    J. Allexanderson.  XXX

                                  -" -      J. Kedus.  XXX