Jakob Wassil and selle Kohtu een ülles et, temma Kambrest 2 Ziakinki, 3 punda Linnu, ja 4n Willu warrastadu om. Nink om nüüd kuuldnu et Jaan Kroon tunnist, et temma Krawi pält minnen om üttele innemissele perra jõudnu, nink sell mihhel ollew ütte rõiwaga se nimmetedu hää säljan ollnu, kui Kroon temmale perra joudnu, sis ollew se mees sedda hääd mahha wissanu nink Kroon ollew se hää Pisso pole wenu. 

Jaak Kolk tunnist, et Jaan Kroon ollew temma wasta selle hää tomisse man üttelnu, et temma Widdre Oja käest se nimmetedu hää olles sanu. 

Jacob Wassil tunnist, et päle selle, kui temma mant Redi, Poolpäiwa waste se wargus tettu olli, sis ollew Jakob Pisso Kõrzin Käinu nink nõudnu omma hää perra, kos temmale keage mittagi ei olle tunnistannu. 

Jaak Kolk tunnist weel, et temma Kroni käest om ennege 2 punda Linnu ja 2 Kinki Zialihha wasta wottnu. 

Kroon tunnistsedda samma, et temma 2 punda Linnu ja 2 Ziakinki om Kolka kätte hoita andnu. 

Otsus:

Et Jaak Kolk, sedda wargust wasta olli wõttnu ja mitte kulutanu, peat temma 6 R. hõb. näddili perrast waeste ladiko masma, nink Kroon peat 6 ööd ja päiwa wangin istma, et tedda mitte trahwi ei woi, ja 2 1/2 R. hõb.  linnu ja willu eest masma.