Araweste wallitsaja härra Mathisen tulli kohto man ette ja kaibas, et Kirble kortsitütrük Arraweste möisa tulno ja ennast tenistuses paknut ja tenistuse kaup teinut 40 Kop kärahha tehtut kauba päle wötnut ja üks tunnistusekirri näudnut ja sahnut tehtut kauba ülle kui suur tellitut palk olnut. Et nüd kül tehtut kaup selge ollewat, on sekeperrast Els Hanso 3 päwa perrast se sahno kearahha taggasi tohnut ja et Arraweste suurpraeva (ta ei mitte taggasi wötnut), (kellega kah se kaup tehtut olno) se rahha laua päle wiskanut ja enda tenistusekaup üllespiddada.

Els Hanso kellel enda wend Märt Hanso näumehheks olli wastus selle kaibduse päle, et se kül tössi ollewat, et ta Arraweste suureprauage se tenistuse kaup teinut, aggo kohhe teisel päwal se sahno kährahha selle põhja pale taggasi wino ollewat, et temma wanna wannemat, kelle jures ta praigo on, ja ki?? temma ahhi prukiwat, temmat keelnut wöra kattuse päle kaupa tehha ja temmat selle põhja päle, et need issi temma abbi prukiwat, se wöetut kärahha taggasi wia, mis ta sis kah teinut.

Se pale piddas kohhus se näu ja

Arwas

Ei mitte enne möistus selle asjas tehha kui enne Els Hanso wannemat ärrakulletut sahwat, kas need kah wistis tüttert käsknut se wöetut kearahha taggasi wia, mis otsus möllembde kohtokäijadel teadusega kuulutut sai, et liggemalt kohtopäwal se assi ettwöetut saas.

Märt Ilwes wannem körwalistnik

Hiob Moor körwalistnik

Hans Perler abbi kohtomees