Sel 24 oktbr 1880.

                        Päkohtomees O Illak

                          Kohtomees J. Alleksanderson

                                  -   "  -    J. Keedus.

Weskimõisa Wahhi kantnik Inno Lill kaepap ennitse tem(m)a asema piddaja Peter Jantsoni päle, et ta om tem(m)a kanti platzile ülle arro liga tennu, põhho, ja ka röä nurme sitta panneki man, mink läbbi tema paljo kahjo om sanud, arwata 25. rbl. nimelt om mulle sedda platzile kahjo teggo, een minno selle platzi piddaja kõnnelnu, Josep Sandra, ja kantnik Rein Parremb, ja kantniko Hendrig Steinpah naine Marri, Steinpah, ja kantnik Jaan Mehhine nimelt om Peter Jantson, om weddanu hendale keik sitta, eddimalt kartowli ma päle, ja tõiselt ka röä nurme, ja om ennegi katte lauda krope jätnu, kost ennegi 15. koormat sitta röä nurme sai. Peter Jantson om om(m)a röä nurme sitta täis pandnu ja kartowli ma päle 30. koormat , agga Josep Sandra om kartowlile ennegi 6. koormat sanud. Ja hainu om Peetrel Jantsonil 2. koormat haino ülle jänu kost 1. koorma piddi minno platzile sittas sama ja hõlgi ollewat ka ülle jänu, kost ka pool selle No 2. platsile piddi sama, agga kik om No 1. platzi päle jänud.

Peter Jantson üttel, et Josep Sandra kätte No 2. platzi samise kewajal ei olle mul hõlgi suggugi ülle jänud, agga haino olli mul arwata 1/2 koormat ülle jänu, neid södime Josepiga ütte wällä ärrä, ni kawwa kui neid olli.

Ja kartowli ma päle panni min(n)a 15. koormat ja aija ma jätti ilma, ja Josepile sai ni paljo aija ma päle, kuis minna kartowlile wisi, iks päle 10. koorma ja röä nurmele olleme ütte wõrd mõllemile röä nurmele sanud, ni kui No 1. ni ka No 2. platsile.

Tõddo Rootsi Karli Laar sullane Josep Sandra üttel, et se põhk mis täl sell kewäjal weel olli, södime ni kawwa kui tarwis olli ja ennämb tarwis es olle wana põhgo, sedda ma ei tija kas sis ennamb ülle olli middagi jänu wai, ei. Agga kartowlile wiis Peter Jantson oma platsi päle 15. kormat ja minna wiisi selle wasta aijama päle 10. koormat. Peter oma aijama päle sell kewajal es panne sitta, ja röä nurmele sai kuma-

lige platzile 25. koormat ja suwwi sitta panni ma weel 7. wai 8. koormat ja kui paljo Peter suwe sitta teggi ei tea minna. Agga Inno Lillile ei olle ma ka middagi tõiside kõnnelnu, kui sijn kohto een ma kõnnelnu olle

2. Tunistaja Rein Parremb, üttel, et minnule kõnnel Petre Jantsoni kõrral olleja sullane Johan Rekkerts, et Peter ei olle No 2. platzi mitte ni paljo röä nurme sitta pannu, kui No 1. päle agga minna essi sedda sitta pannekit es näe, agga sedda ma tija et täis ei olle Peter Jantsonil ka kunnagi muil aastil sanu, kui ütsinda timawo 1880 aastal röä nurm sitta. Ja sel suwwel kui jo Josep sijn olli , olli täl, Peetril, weel haina aigo wannu haino arwata 1. koorma, ehk ka rohgemb, wähhämb 1. koormat kül es olle, õllesit ei tea ma middagi üttelda neid ei olle ma nännu neid wist es wõi täl suggugi ülle jänud olla neid sai essike weidi

3. Tunistaja Marri Steinpah üttel, et haino olli kül weel aina aigo ülle jänu arwa 1. koorme wai ka weidige rohgemb, agga õllist ei tea ma middagi neid ei olle ma nännu

4. Tun. Jaan Mehhine, üttel, kui paljo Peter Jantson om kartowlile sitta pannu ei tea ma koorme arwo mitte, agga et ta mõtsa kartowli sitta wiis olle ma nännu, ja ka ni üttelnu, ja Josep es wi mitte No 2. platzile mõtsa kartowli sitta ütsinda aija päle wiis Josep, ja kui paljo Josep aija ma päle ka wiis, ei tea ma mitte. Agga ni paljo ma arwa, et Peter mõtsa kartowli male enamb sitta wiis, kui Josep aida  Peter aija päle kül sel kewäjäl es panne, ennamb kui kapsta kottale weidige, röä nurme sittast ei tija ma middagi ja ni samma ei tija ka põhho kramist minna middagi, ei olle ka kellegile sest kõnelnu.

Tunistuse läbbi om selle No 1. pale jänud rohgemb 5. koormat sitta, ja 30 punda haino, sell 8 punaga kokko mes Jula Rekkertzile olli lainatud sest 16ne punnast.

Kohhos mõistis, et Peter Jantson peap selle No 2. platzi hääs 1 1/2 wak rükki, ehk 7 1/2 rbl. ja 15 punda õlgi masma.

Peter Jantson ei olle sellega rahhol

Inna Lill om sellega rahhol.

                                                                Päkohtomees O. Illak  XXX

                                                                 Kohtomees J. Allexanderson  XXX

                                                                         -  "  -   J. Kedus.  XXX