Sel 7tal april 1881. 

                             Man olliwa Pakohtomees O Illak                                21. april mõistus tettu

                                                  Kohtomees J Keedus

                                                      -  "  -      J. Troon.

Weskimõisast Sawi kiwi tegija tüttär Olla Parawok kaebap, et Krüidnerist möldre pois Jakob Pokker, essa Anton, om tedda rohgemb

3. aastat hendale naises lubbanud wõtta, ja om minnoga sel 1880. aastal enne suwwiste Pühhi ühte ellama nagganu, ja selle läbbi om mul sel 24tal webruaril 1881. a poig lats sündinu, ja nüid ta ei olle minnu mitte ärrä wõtnu, ja ei lubba ka mitte wõtta, sis nõwwa minna nüid Jakob Pokkeri käest 100. rbl latse toitmise rahha

Krüiudnerist Jakob Pokker tulli ette ja üttel et tema ei olle temaga mitte ütte ellanud Olla Parawokiga, ja mina olle kül lubbanu tedda ärrä wõtta, ja olles ka ärrä wõtnud kui ta mitte tõiste poistega ei olles ütten magganu, nimelt om Weskimõisa walla poisi Jürri Pindsoliga päle Lihhawõtte pühhi öse ütten magganu, Minna olle kül sääl käinu agga mitte ütte kõrd tema man weel omal käimise kõrdul magganu, ei päiwa, ei ka öse, et ta Jürri Pindsoliga ütten öse maggasi om ka nännu Weskimõisa walla pois Ants Zoom, Jürri Kulberg, Karl Timusk, ja päle se om ta ka minewa suwel 1880. a üts öö issi õitsiliste man käinud, sedda teawat ka need samad nimetud poisid, ja ka weel nellas pois Johan Pindsol, nende õitsi man omgi tä käinu, mul olli selle tütrigu essale rahha wõlgo anto, selle rahha kätte samise perrast olle ma sel tawwel seal käinud, mitte Olla Parawoki wõtmise perräst.

Olla Parawok üttel, et Jakob Pokker om ennamb kui 100. ööd minno man magganu, ja Wanna Pranglist Wantka Pattakow om ka sedda nän(n)u, et ta minno man sängis maggas, ja Jopsa emand, Marie Jopsa näggi, kui Jakob Pokker üts poolpa õddak sel talwel päle kolme-

kunniga minno pool olli, ja jäi ka sel ööl minu pole, ja lätsime päle se pühhäpa weel ütten wenne kerriko, 6tal webruaril 1881. olli Jakob

 Pokkeri wimane mino pool käik, ja sai sest asjast weel selgest temaga kõneldus, ja lubbas tõeste wõtta ja maggas weel wimest kõrd mino man, ja keik need ööd mis ta mino man om olnud, om ta minoga ütte ellanu, kuni 6ta webruarini.

Wana Pranglist Marie Jopsa, üttel et ma näi tedda Jakob Pokkerit mitto kõrd selle tütriko pool päiwan nännu, ja sel poolpa õddango näi ma tedda ka sääl, ja minna lätsi sel õddangul arwata kella 9. aigo säält ärrä, ja Jakob Pokker jäi sinnä. rohgemb mina sest asjast ei tija, agga sedda, et Jakob Pokker selle Olla poigmees piddi ollema, olli kõwwaste nende kõnne. 

Wantka Pattakof üttel, et tem(m)a om sedda selgeste nännu, et Jakob Pokker om Olla Parawoki man sängin ööse magganud, ühte ellämist ta ei olle nännu, Jürri Pindsol üttel, et tema ollewat kül möda lännu suwel 5 kõrda selle tütruku Olla Parawoki man magganud, agga mitte temaga kunnagi ühte ellänud, 2, kõrd ollen minna ütsinda, ja 3. kord tõiste poiste hulgan käinud.

Tun. Ants Zoom, üttel, et tema ollewat kül, 2. kõrda Jürri Pindsoli selle Olla man nännu, agga kas ta temaga ütte ellänu om, ehk mitte ei tija minna. - Suwel üts õddand ta olli meije õitsi mannu tulnu, ja üttel henda Pehhel käinu ollewat, sääl hullasime temaga hulgani, ja perrast läts ta säält enne hommungut ärrä koddo. -

Tun. Jürri Kulberg, üttel, et Jürri Pindsoli olle ma Olla man 3 kõrda nännu maggawat, agga kas ta temaga ühte ellänut om, wai ei, sedda ma ei olle nännu. Kui ta meije õitsi man üts öö suwel olli, sis hullasime koig tük aiga temaga, ja läits arwata kesk öse ärrä koddo ta üttel henda Pehhel käiwat.

Karl Tim(m)osk üttel, et minna olle 1. kõrd nännu Jürri Pindsoli selle Olla man nännu, agga ka ta temaga ütte ellanu om, ei olle ma nännu, se kõrd, olli meid 4. tõisi poise, ja wijes Jürri Pidsol se kõrd hullasime tük aiga arwata päle kesk öö ja tullime keik ärrä koddo. Se olli suwel enne Jani päiwa, kui ta üts ööse õitsi man olli, sis üttel ta Pehhe tallust tullewat, sis hullasime tük aiga hulgani temaga, ja arwata päle kesk öö läts ta ärrä koddo.

Johan Pindsol üttel, et sel õddangol kui minna mõisa sitta weddamast tulli, sis saise se tütruk Olla om(m)a tarre nukka man, kui meije säält möda õitsi lätsime, kui meil hobuse kinni saiwa ja tullime oma maggamise kohta, sis naggas penni mõtsa aukma, ja meije lätsime kaema, ja meije leisime tema puhma kõrwalt, tõime tulli weerde, ja hullasime hulgani, tük aiga, perrast jäi mina maggama kunnas ta ärrä koddo tulli es näe minna

Tütruk Olle Parawok üttel, et minna lätsi lätsi üts õddang Wana Prangli Pehhe tallun, ja tulli sealt koddo, ja need Parmo tallo poisit, ollid selle tee weeren õitsi tulnu, sääl wõtsiwa minno kinni ja wisiwa tulli weerde, ja hullasiwa tük aiga ja lassiwa jälle walla. ja mina lätsi koddo, se olli arwata kesk öö aig.

Kohhos mõistis, et Jakob Pokker peap sest kaebuse asjast prii jäma, mis Olla Parawok om kaewanud  Päle se peawat, keik need selle tüt-

ruku jures käijat poisit egga üks 2. rbl trahwi maksma.

1. Ants Zoom, 2. rbl, waeste laegu hääs

2. Karl Timmusk, 2 -         - do    -

 3. Johan Pindsol 2      -     do   -    -

4. Jürri Pindsol     2       -   do    -

5. Jürri Kulberg    2      -     do  -

6. Jakob Pokker   2  -         do   -

Essä Anton ja Olla Parawok ei olle sellega rahhol, ja pallus prottokol 8. päiwani suremba kohtule kaebamine sai tälle ka nimetud.

1. Ants Zoom, rahhol

2. Karl Tim(m)usk - rahhol

3. Johan Pindsol - do-

4. Jürri Pindsol  -  do  -

5. Jürri Kulberg  -  do   -

6. Jakob Pokker   - do  -

                                              Päkohtomees O Illak.  XXX

                                                Kohtomees J. Kedus. XXX

                                              abbi  -  "  -   J. Troon   XXX