Sel 8tal mail 1881

                                      Päkohtomees O Illak

                                           Kohtomees J Alleksanderson

                                                    -  "  -   J Keedus.

Weskimõisa wallast Muttike tallo tütruk Liis Perri, kaebap, et tema ello ni halb koddon om, et tema om(m)a kaebeltud teenistuse aega mitte ennamb, eddesi teenida ei wõi, nimelt selle et ta perrenaise tõrrelemist ja sõimu, ennamb kuulda ei jõwwa, ja perrenaine, ja perre-

mehhe welli omawa lubbanud minno ärrä tappa, ja pääd lahki lüwwä, Minna olle nüid teenistusest ärrä tulnu, ja pallu omma wanna aasta palka 22. rbl. ja 1. käsk 1. pallitu, 1. undrik, ja 1. amme, ja 1. rbl wõlgo wõetud rahha 

Muttike perremees, Johan Ellen üttel, et tema ei tija middagi asja ette anda, mis perrast tütruk ärrä om lännu, minna ei olle tedda kunnagi sõimanu, ei ka tõrrelnu, ütsinda sell kõrral olli mul kige suremb tõrreleminne tütrukut, kui se ette tulli, et ta 2. tükki leiba oma sängi olli pandnu, ja ta mulle üttel ka essi et se tema pantu leib olli et keagi tedda ärrä tappa om lubbanu ei olle ma kellegi käest kulu, teenistusest lahti minna ei lubba tütrukut. Wana palka om sissen kül 21. rbl. ja 50. kop. ja 1. rbl wõlgo wõetud rahha, ja kask ja pallitu ja wõip olla et ka undrik, ja ame ka sääl om, neist ma ei tija. Wastne palk 30. rbl, 1. nael willo ja 1. näddäl prii aastas, ja prii pastla, ja 1. rbl kässi rahha.

Perrenaine Trinu Ellen, üttel, et minna olle tütruku Liis Perriga, ennegi sis mõnni kõrd tõrrelnu, kui ta mulle ja wäega lijalt suut wasta om pruukinu, ja kui ta kats tükki leiba, sängi olli pandnu, sis es tõrrele minna tedda suggugi, nome weidige, et leiwa sängi panek ei olle hää  Agga ärrä tappa ei olle ma ealgi lubbanu.

Tunistaja sullane Johan Russak, üttel, üts kõrd olli tütruk L. Perri, olli aida usse lahti jätnu, ja zea olliwa, ütte keswa kotti ärrä lahknuwa, sis üttel perrenaine, kui sa weel ni teet, sis ma sinnu tappa, agga et ta just ärrä tappa lubbas, ei olle ma kulu

Tütruk Liis Perri üttel, et Samuel Ellen om kambren üttelnu ni, et minna Liisu pä lahki löö, tulgu kohhos määrne tat. Sedda kuli, ma, kambre läwwe taggan wörusen,

Kohhos mõistis, et tütruk Liis Perri, peap omma kaubeltu teenistuste taggasi minnemä, ja Johan Ellen, peap tütruku wanna aasta sissen ollew palk illust wälja masma. - Agga kui tütruk teenistuste taggasi ei lä, sis peap tütruk Liis Perri, om(m)a perremehhele Johan Ellenile maksma, kaubeltu palk, 50. näddäli teenimata jänud aaja eest 31. rbl 90. kop. ja 1. rbl kässi rahha, se om kokko 32 rbl ja 90. kop. Sel wiisil, et sest wana aasta sissen ollewast palgast jääp perremehhe Johan Elleni hääs sellest taggasi mastus 20. rbl ja Küindlepäiwal 1882. a

(2. webruarini) peap Liis Perri weel 12 rbl 90. kop sija kohto kätte ärrä masma Johan Elleni heaks

                     Palk om ni arwatu 30. rbl selge raha

                     Kässirahha  -           1. rbl  -    -

                     1. nael willo           -  --     50 kop

                   aasta pastla kullu.     2  -     -   -

                                        -----------------------------

                                 Suma         33. rbl 50. kop, sest om maha arwatu, se teenitu näddäli  eest 60. kop.

                                                           ----------------------------------------------------------

                                                  Jäi perrä 32. rbl. 90. kop.

Liis Perri om sellega rahhol, Johan Ellen om sellega rahhol.

                                                                     Pakohtomees. O Illak  XXX

                                                                        Kohtomees J Alleksanderson  XXX

                                                                         -   "   -       J. Keedus.  XXX