Sel 5. juni 1881.

                               Päkohtomees O Illak

                                 Kohtomees J Alleksanderson.

                                       -  "  -      J Keedus.

Wanna Pigastest tütruk Mina Wok kaebas Weskimoisa walla Idta tallo perremehhe Johan Reinoti päle, et Johan Reinot om temmaga ütte ellänud. 1880.a Suwwiste pühhä perrämätse päiwa öse sel 26tal mail ja perrast sedda kunni süggiseni, arro tihti, ja selle läbbi om mul, sel 11nel märtzil 1881. tüttär lats sündinu, ja nüid lätsi minna tem(m)a J Reinoti kutsmise päle sel 7tal mail 1881. tem(m)a pole Idta maija selle asja perrast kullema, et wast same henda wahel ilma kohtoda om(m)a asjaga õiges, agga Johan Reinot aije minno omast ello tarrest wälja, ja wõt minno oma usaija pääl kinni, ja pes minno oma aida kõrwal, ruskidgu, pähhä, lei minno pikkali mahha ja sõkse minno rindo päle põl-

wiga, ja pes ka rusgidega pähhä ja muijale, ja lubbas minno ärrä tappa, minna pallesi wäggä kangest, ja lubbasi tälle kange towudusega, et ma sedda ennap kellegile es lubba sedda kõnnelda, et minna temaga lapse ollen sanud, ja ma es lubba ka üttegi kohtule kaibama mina, ei pesmise ei ka lapse toido rahha perrast, sis ta jätse sure kahhitzemisega minno ello, ütelden kuis ma sinno omete ello jättan kui sa mulle essi kätte ollet tulnu, minewa asta pallutit minno tarre, ja nüid et sul lats minoga om, se om sulle kül kerge trahw, minga sa nüid pässit, pesmist näggi tema naise essä Johan Tündre kes seal aida teggi ja naise welli Johan Tündre, kes seal sam(m)an aija taggan 3. hobbesega häest. - Ja et ma sääl olle käinu, näiwä tema naine Marri Reinot, naise em(m)ä Ann Tünder, ja Johani essa Jürri Reinot, minno sinä minek, olli enne söömaiga, ja pesmine olli arwata söömajal, ka warsti perrast sin(n)ä minekit kokko ellämise man tunistajat Ahja wallan Jürri Saksa, man Ann Wihhamees, Johan, Jürjentson, ja selle naine Kristin, elläwat Krüidnerin Anno All, Jürri naine, Wastse Pranglin.

Weski mõisa wallast Johan Reinot tulli ette, ja üttel, et minna ei olle sedda tütrukut Miina Wokki möda lännu süggisest 12nest septembrist 1880. satik silmaga nännu ja ei tija sest kige wähhämb middagi mis ta minno päle om kaewanu, ei olle temaga mitte ütte ellänu, ei ka tedda ealgi pesnud.

Johan Tünder, 26 a wanna ludderi usku, et tema om sel 7tal mail 1881. enne söömaiga aija taggan, 2. hobbesega, ja minna ei olle sedda tüt-

rukut ei ka üttegi muid innimisi Idta majan nännu käiwat, ja ei olle ka üttegi pesmise elli, ei ka röökmise elli kuulu.

Johan Tünder 59. a wanna, wenne usku, tulli ette, ja üttel et minna teggin usjan tanneme aida, lauda läwwe een. Sel 7tal mail 1881. agga üts Wastse Prangli wallast Latta tallo naine,                  käis seal pulli otsman, agga tõisi keddagit ei tea ma seal nännu käiwat, agga et seal kedda-

git  pessetut om sanut sel kõrral, sedda ei olle ma kulu ei ka nännu, weel Idta majan Jürripäist seeni ajani.

1. Tunistaja Johan Jürjentsoon, üttel, et tema sest Johan Reinot, ja tütruk Mina Wok sobruse asjast ei tija middagi, sedda sama üttel ka tema naine Kristin.

3. Tunistaja, Anno All  üttel, et mina ei tija ka Johan Reinoti, ja Mina Wok sõbruse ellust middagi, ei olle middagi awaliggult kulu, ei ka nännu. Sedda kül arwasime sel kõrral ni ollewat, et naad sõprusust piddasid, agga nännu ei olle.

Johan Reinoti naine Marri üttel et temma ei olle sedda tütrukut Mina Wok, sel 7tal mai, se:a: mitte Idta majan käiwat nännu, ja ei olle ka kellegi pesmist nännu ei ka kulu.

Johan Reinoti naise e(m)a Ann Tünder üttel et minna ei olle se tütruk Mina Wok mitte silmaga Idtal nännu, ealgi, ei ka kige wähhämb tema-

ga kõnnelnu, mitte ealgi, ja ei olle ka ütteski pesmise luggust middagi kulu ei ka nännu.

Kohhos om mõistnud, mõllemat Mina Wokki kaebuse asjad (Wasta Johan Reinoti kaewatud) tühjas, et kige wähhamb tunnistust ei olle.

Mina Wok, pallup prottokol wälja, nende mõllembide asju perräst, ei olle kumagagi rahhol.

Om mõllemite asjo ülle prottokol,(kaebusleht) wälja antud Mina Wokkile.

                                                                                                                       Päkohtomees O Illak  XXX

                                                                                                                           Kohtom. J. Allexanderson XXX

                                                                                                                             -  "  -   J Kedus  XXX