Sel 31. juli 1881.

                       Pakohtomees O Illak

                        Kohtomees J Alleksanderson

                              -  "  -    J Kedus.

Tütruku kõrwal saisja kõrwal saisja Jaan Perri

Weskimõisa wallast Muttike tallu tütruk Liis Perri, tulli ette ja üttel, et tema ellu kõrd Muttike tallul ni halb, ja ilm rahho ja pahhanduse

wahheta allati ollewat, et kuidagi ennamb perremehhe emmä sõimu ja teotamist ärrä kanda ei jõwwa, allati sõimap ta minno litsis, ja war-

gas kunna minna nende nimelist südi ei olle tennu, ja ni sammate ei olle ka üttegi minno töö ei tallitusega suggugi rahhul, kunna minna kik omma tööd ja tallitust ilm wiggate kõrda olle tennu, ja ka nende hendide wahhel om paljo pahhantust minno perräst ja kige wiimne kõrd om minno perremees möda lännu eespäiwäl, sel 27tal julil, 1881. om(m)a emmä ette wõlsmise perrast halwaste sõimanu, litsis, ja wargas ja lehmas. Kigi nende sõimusid ja teoduisi ei jõwwa ma ennamb ärrä kanda ja olle nüid 27tast julist satik teenistusest ärrä lännu, ja pallun kohhot meije asja ülle kullelda, ja selledada, sedda minno luggu om kuuluwa sullane Johan Russak, ja tütruk Liis Külla, sest samast tallust.

Muttike perremees Johan Ellen tulli ette ja üttel, et temma ei olle 27tal julil, middagi halwaste üttelnu, muut kui lehmas ma olle üttelnu, ja särätses lehmäs kes tõise lehma perräst piima ärrä joop, pühhäpäiwä hommungo om minno emma temma kinni wõtnu kui ta pima kurna-

mise ajal 1. toopi piima olli ärrä joonu, ja ka kalla söönu. Kui se jut meil haina man een olli, selle päle läts ta ka sel samal päiwal teenistu-

sest ärrä. Sedda juttu kuliwa tõise teenri, sullane Johan Russak, ja tütruk Liis Küllä.

Perremehhe Johan Elleni emmä tulli ette, ja üttel mina ei olle tütrugule middagi halwaste enne üttelnu, kui tütruk minnu ja kiges ärrä om nimitanu, ja sõimanu, ja sel 27tal julil, se:a: om tema piima kurnamise ajal toopi piima täis lasknu, ja ka sahwrist kallu wõtnu, ja om topist piima jonu, ja kalla ka sönu, minna lätsi selle päle ja wõtti tema selle töö päält kinni, piima es sa ma kellekile näidada, selle et ta patta wallasi põrste söögi sekka, ja wallasi 2. pangi külma wett päle. Se tütruk Liis Perri om ni kõlbmata tütruk, et ta kige wähhämb mull middagi kõnnelda ei lasse, sis om täl suu ni wasta, et kuulda ei jõwwa kui ta särätsel wisil teenistust eddesi pidda kui ta nüid om olnu, sis ma tedda enamb teenistuste taggasi ei wõttagi, minna nõwwa et tütruk Liis Perri täis aasta palk peap mulle ärrä masma.

1. Tunistaja Juhan Russak üttel, et perremees Johan Ellen om tütrukud Liis Perri, mõtsan hainama pääl sömise man, kül sõimanu litsis, leh-

mäs, ja wargas, ja nimelt ka piima wargas, ja selle päle läts tütruk Liis Perri mõtsa, ja es tullegi ennamb töö mannu taggasi, tõisi tüllisid minna ei olle kulu selle et minna möda lännu ajatel suggugi koddon es olle.

2. Tunnistaja, Liis Küllä, tulli ette ja üttel, et tema om sel 27tal julil, ka haina man olnu, ja om se jut allustusest lõppetuseni kulu, mes perre-

mehhel, tütrugu Liis Perriga olli, ja perremees ei olle Liis Perrit mitte ei litsis, ei lehmas ei ka wargas, ja se jut om kohhalt ilma sõimute perremehhe, ja Liisa poolt ärrä kõnneldu. - ennitsil kõrdul koddon om kül perremehhe emmä L. Renit sõimanu, litsis ja ka wargas.

Kohhos moistis, et Johan Ellen ei sa mitte tütruk Liis Perri käest aasta palka, selle, et Johan Ellen ka tütrukut kõlbligun perre säduse kõrran ei olle piddanu, om ilm awwaliggus samata süde eest tütrukut litsis lehmas, ja wargas hulga perre een sögi man sõimanud, ja tõiselt ka tema halwa teenimise perrast taggasi es ütle tahtwat, ja tütruk Liis Perri kaotap omma ärrä teenitud 3. kuu palga om(m)a tenistusest om(m)a wolliga ärrä mineki perräst. Ja wõip lahti jädä. Tütruk om raha J Ellen 8. päiw mõtlemises jano.