Sel 2. oktbr 1881

                           Pakohtomees O Illak

                            Kohtomees J. Alleksanderson

                                -  "  -     J. Keedus.

Weskimõisa wallast Jürri Märs kaebas Weskimõisa walla poisi Peter Pelowas päle et P. Pelowas om tema tütre Leena Märs halwaste mõtsan karja man pesnu, ja ma nõwwa 6. rbl.

Karjos Leena Märs, üttel et Peter Pelowas om tedda 2. kõrd rusguga kukrude pesnu, ja 1 kõrd jusid pitti wasta maad löönu.

Peter Pelowas üttel, et tema Leena Märs olli 27. karja elläjaga minnu welle, (Kurre tallu) hainama pääl olnu, ja ma tahtsi 1, elläjat kinni wõtta, agga karjus es lasse aije mulle kats koera päle, need es lasse elläjat mitte kinni wõtta, ja karja tütruk sõimas minnu weel pälegi, kui karjus mulle elläja kinni wõtmist kuldsi sis ma tõugasi karjust 2. kõrd lehma mant ärrä, ja kolmas kõrd wõtti ma tema juuksid pitti, ja tõmmasi istu mahha, muud ma ei olle tälle tennu.

Kohhos mõistis et Peter Pelowas peap 1 1/2 rbl wallawaeste laegu hääs, ja 1 1/2 rbl selle karja selle Leena Märsile masma, kokko 3. rbl. 

8, päiwani sija kohto päle ärrä masma.

Naad om mõllemat 8. päiwani mõtlemise aega pallunuwad.