N 41.
Lewi kogokona kohto koos olek sel 1 Junil 1885
Koos olliwa Pääkohtomees Hendrik Kikkas
kohtomees Kusta Moistus
" " Johann Suits.
Lewimoisa politsei Johann Hääl tulli ette ja and üles et moisa mõtsawaht Willem Potter om 2 werewat karwa lehma katte mehega kes moisa haina maa pääl olliwa söötnu, moisa toonu. Ent üts neist kattest mehest pages moisast ärra. Kuna nüüd nema essi olliwa ärra awaldanu et nema selle ärra pagenu mehe perast arwada woise et need mitte oiget mehet ei woi nolla, om moisa polizei selle perra säänu mehe käest 3 Rubla raha 1 katterawwaga wäikese pistuli, üte plek kasti sees weidike püssi rohto ja paberi sees haawlit ärra wõtnu. Ent sellest 3-me Rublast om moisa polizei selle perrast et nema essi üttelnu ommawa et nema moisa haina maa pääl söötnu 1 Rubla kahjo tasomist ja 1 Rubla mõtsawahile kinni wõtmise eest andnu, ja se perra jänu Rubla selle mehele tagasi ja siss selle mehe kige 2 lehma ja ärra woetu asjoga mõtsawahi Potteri labi wallapolitsei kätte saatnu.
Ent tõisel hommikul om walla polizei jälle kiik tagasi satnu ja kogokona kohtomehet kokko tallitanu ja kogokona kohus om se mehe selle perrast et kahe wahel olli kas õige ehk waras mees om; lubanut tunnistust tähte otsma, kost temma need lehmat om ostnu ent need lehmat kiige tõise asjadega om moisa jännu ja kirjaliko nõudmise perra keiseliko Wõrro maa kohto ärra sadetu.
Lewimoisa mõtsawaht Willem Potter and tunnistust et tema om moisa haina maad kaema lännu ja om nännu et 2 meest 2 lehmaga moisa haina maa poolt ommawa wasta tulnu ja om siis kui haina maa kus lehmat ühe puhma küljes kinni olliwa olnu ümbre ringi olli ärra sõkkoto. Pääle selle om tema siis neid mehi lehmadega tagan otsima lännu ent ei ole mitte leidnu, ja om siis kodo lännu ja ühe tõise mehe koeradega ühes wõtnu ja nelja tunni otsimisega neid mõtsast kätte saanu ja moisa toonu. Ent selle aja sees kui selle asja üle om kõneldud om üts ärra pagenud ja tõine ka pagemisel olnu ent pussi hirmo pärrast weel tagasi jäänu. Hainamaa söötmise eest om siis moisa polizei 3 Rubla trahwi wõtnu ja walla polizei kätte ärra saatnu. Ent walla polizei läbi kokko tallitud kohto mehet omma seda trahwi lijas arwanu ja sellest 3 Rublast 1,30 selle mehele tagasi andnu.
Lewi walla wanemb Jaan Thalfeld kelle poole se mees ja need 2 lehma moisa polizei poolt oliwa saadetu, ütles et sel 17mal Mail om mõtsawaht Willem Potter ja moisa kubjas Joss Morrel mino poole 1 mehe 2 lehmaga toonu ja tema om siis neide käest küsinu: kost se mees lehmadega om: selle pääle oli wastus et neid olli 2 meest ja 2 lehma mes meije moisa niidu söötmise perast oleme kinni wõtnu ent nema pidiwa kumbgi 3 Rubl trahwi masma, ent üts mees läts ärra pakko ja toine mes siin om, mas omma 3 Rubl ärra. Meije lubame seda meest selle halwemba lehmaga ärra minna ent paremb jääb sija ja lääme nüüd seda tõist meest tagasi otsima. Selle mehe käest mes tema manu 2 lehmaga om jänu om tema küsinu, kost sinna perri olet? ja se mees om henda üttelnu Haslawa mehe Kusta Rosenthal olewat ja tõine kes ärra pqagenu Jaan Ots. Siis om temma weel küsinud, kost sina need lehmat olet ostnu ja mes perrast se tõine mees ärra pagges? Selle pääle olli wastus et meije oleme neid wenemaalt Ratsowa moisast omma onu käest ostnunu uts massap 20 Rubl ja tõine 18 Rubl. ent se tõine mees om selle perrast ärra pagenu et tema noor, pelgliko werega om ja arwas wast et teda pesma nakkatas ja raha ei ole temal ka enamb olnu seda 3 Rubla tõise lehma eest ärra massa.
Tõisel hommikul om walla polizei seda meest kes ööse temma wahi al oli olnu jalle moisa polizei kätte wenu ja moisa polizei nõudmise perra kogokona kohto mehet kokko tallitanu et kogokona kohus selle üle õtsust teese.
Wallawanemba kutsmise perra olliwa kogokona kohtomehet Hendrik Kikkas Johann Suits ja Kusta Moistus kokko tulnu ja selle mehe käest küsinu, kost tema need lehmat ostnu om ja siis om temma üttelnu: need lehmat oleme meije ostnu wenemaalt Ratsowa mõisast omma onno käest kellel wõlade perrast oksjon om olnu.
Mõtsa wahi Willem Potter ütlemise perra et neid 2 meest om olnu ja üts nendest ärra pagenu, om se kogokona kohus arwanut et need wist õiget mehet ei ole ja om siis moisa polizeile kätte andnut seda meest nende 2 lehmaga Keiserlikko Wõrro maa kohtole ärra saata ent moisa polizei ei ole seda mitte henda holes wõtnu siis om kogokona kohtomehet otsuses tennu et kiik mes tema kaest ärra woetu; nikui 2 lehma 1 wäike kahe rawwaga wäike pistul, weidike püssi rohto, hawlit ja pääraha raamat moisa polizei hoole ala jätta, seeni kui tema ühe tunnistuse tähe toop, kost tema need lehmat om ostnu mes nüüd kiik nõudmise perra Keiserlikko Wõrro maa kohto om ärra sadetu.
Otsus
Ees seiswat Protokolli Keiserlikko Wõrro maa kohtole suurembas üle kullemises sisse saata.
Pääkohtomees [allkiri] Hindrik Kikkas
Kohtomees Kusta Moistus XXX
" " J Suits XXX
Kirjot. [allkiri] P. Perli
Sel 6 Junil 1885 Keiserlikko Wõrro maakohto sisse sadetu.
N 41.
Lewi kogokona kohto koos olek sel 1 Junil 1885
Koos olliwa Pääkohtomees Hendrik Kikkas
kohtomees Kusta Moistus
" " Johann Suits.
Lewimoisa politsei Johann Hääl tulli ette ja and üles et moisa mõtsawaht Willem Potter om 2 werewat karwa lehma katte mehega kes moisa haina maa pääl olliwa söötnu, moisa toonu. Ent üts neist kattest mehest pages moisast ärra. Kuna nüüd nema essi olliwa ärra awaldanu et nema selle ärra pagenu mehe perast arwada woise et need mitte oiget mehet ei woi nolla, om moisa polizei selle perra säänu mehe käest 3 Rubla raha 1 katterawwaga wäikese pistuli, üte plek kasti sees weidike püssi rohto ja paberi sees haawlit ärra wõtnu. Ent sellest 3-me Rublast om moisa polizei selle perrast et nema essi üttelnu ommawa et nema moisa haina maa pääl söötnu 1 Rubla kahjo tasomist ja 1 Rubla mõtsawahile kinni wõtmise eest andnu, ja se perra jänu Rubla selle mehele tagasi ja siss selle mehe kige 2 lehma ja ärra woetu asjoga mõtsawahi Potteri labi wallapolitsei kätte saatnu.
Ent tõisel hommikul om walla polizei jälle kiik tagasi satnu ja kogokona kohtomehet kokko tallitanu ja kogokona kohus om se mehe selle perrast et kahe wahel olli kas õige ehk waras mees om; lubanut tunnistust tähte otsma, kost temma need lehmat om ostnu ent need lehmat kiige tõise asjadega om moisa jännu ja kirjaliko nõudmise perra keiseliko Wõrro maa kohto ärra sadetu.
Lewimoisa mõtsawaht Willem Potter and tunnistust et tema om moisa haina maad kaema lännu ja om nännu et 2 meest 2 lehmaga moisa haina maa poolt ommawa wasta tulnu ja om siis kui haina maa kus lehmat ühe puhma küljes kinni olliwa olnu ümbre ringi olli ärra sõkkoto. Pääle selle om tema siis neid mehi lehmadega tagan otsima lännu ent ei ole mitte leidnu, ja om siis kodo lännu ja ühe tõise mehe koeradega ühes wõtnu ja nelja tunni otsimisega neid mõtsast kätte saanu ja moisa toonu. Ent selle aja sees kui selle asja üle om kõneldud om üts ärra pagenud ja tõine ka pagemisel olnu ent pussi hirmo pärrast weel tagasi jäänu. Hainamaa söötmise eest om siis moisa polizei 3 Rubla trahwi wõtnu ja walla polizei kätte ärra saatnu. Ent walla polizei läbi kokko tallitud kohto mehet omma seda trahwi lijas arwanu ja sellest 3 Rublast 1,30 selle mehele tagasi andnu.
Lewi walla wanemb Jaan Thalfeld kelle poole se mees ja need 2 lehma moisa polizei poolt oliwa saadetu, ütles et sel 17mal Mail om mõtsawaht Willem Potter ja moisa kubjas Joss Morrel mino poole 1 mehe 2 lehmaga toonu ja tema om siis neide käest küsinu: kost se mees lehmadega om: selle pääle oli wastus et neid olli 2 meest ja 2 lehma mes meije moisa niidu söötmise perast oleme kinni wõtnu ent nema pidiwa kumbgi 3 Rubl trahwi masma, ent üts mees läts ärra pakko ja toine mes siin om, mas omma 3 Rubl ärra. Meije lubame seda meest selle halwemba lehmaga ärra minna ent paremb jääb sija ja lääme nüüd seda tõist meest tagasi otsima. Selle mehe käest mes tema manu 2 lehmaga om jänu om tema küsinu, kost sinna perri olet? ja se mees om henda üttelnu Haslawa mehe Kusta Rosenthal olewat ja tõine kes ärra pqagenu Jaan Ots. Siis om temma weel küsinud, kost sina need lehmat olet ostnu ja mes perrast se tõine mees ärra pagges? Selle pääle olli wastus et meije oleme neid wenemaalt Ratsowa moisast omma onu käest ostnunu uts massap 20 Rubl ja tõine 18 Rubl. ent se tõine mees om selle perrast ärra pagenu et tema noor, pelgliko werega om ja arwas wast et teda pesma nakkatas ja raha ei ole temal ka enamb olnu seda 3 Rubla tõise lehma eest ärra massa.
Tõisel hommikul om walla polizei seda meest kes ööse temma wahi al oli olnu jalle moisa polizei kätte wenu ja moisa polizei nõudmise perra kogokona kohto mehet kokko tallitanu et kogokona kohus selle üle õtsust teese.
Wallawanemba kutsmise perra olliwa kogokona kohtomehet Hendrik Kikkas Johann Suits ja Kusta Moistus kokko tulnu ja selle mehe käest küsinu, kost tema need lehmat ostnu om ja siis om temma üttelnu: need lehmat oleme meije ostnu wenemaalt Ratsowa mõisast omma onno käest kellel wõlade perrast oksjon om olnu.
Mõtsa wahi Willem Potter ütlemise perra et neid 2 meest om olnu ja üts nendest ärra pagenu, om se kogokona kohus arwanut et need wist õiget mehet ei ole ja om siis moisa polizeile kätte andnut seda meest nende 2 lehmaga Keiserlikko Wõrro maa kohtole ärra saata ent moisa polizei ei ole seda mitte henda holes wõtnu siis om kogokona kohtomehet otsuses tennu et kiik mes tema kaest ärra woetu; nikui 2 lehma 1 wäike kahe rawwaga wäike pistul, weidike püssi rohto, hawlit ja pääraha raamat moisa polizei hoole ala jätta, seeni kui tema ühe tunnistuse tähe toop, kost tema need lehmat om ostnu mes nüüd kiik nõudmise perra Keiserlikko Wõrro maa kohto om ärra sadetu.
Otsus
Ees seiswat Protokolli Keiserlikko Wõrro maa kohtole suurembas üle kullemises sisse saata.
Pääkohtomees [allkiri] Hindrik Kikkas
Kohtomees Kusta Moistus XXX
" " J Suits XXX
Kirjot. [allkiri] P. Perli
Sel 6 Junil 1885 Keiserlikko Wõrro maakohto sisse sadetu.
