Pallo Peter Karro kaibas Seppa Jaan Lossmanni wasta et se minnewe aasta temmat sin möisan kinniwötno ja kinni pandnut ja sedda johno päge teinut ja sis ei mitte temma hobben, wait Karl Kuusiko hobben temma koddo saatno, et ta enne teisel pawal temma issi koddo tulnut ja temma Kuusiko hobbene koddo piddanut saata. Et temmat ilma asja kinnipantut olno, wastus ta küskmese päle mis ta näudwat, et temma ei mitte näudmest tehha möistwat.

Jaan Lossmann wastus selle kaibduse päle, et se kinnipandmese assi kohto läbbi öigendut ollewat, temma Peter Karro selle põhja päle kinnipandno ollewat, et Peter Karro kohtomees Mart Ilwes hobbese warguses söimanut ja se assi kohhe teisel päwal selletut sahno. Päle selle ollewat temma ni kui igga körd wallakassakul Kusta Ohsulil käsk andnut Peter Karro hobben koddo wije, ja et Peter Karro ei mitte juhhatan ja enda hobbest ärranäitnut, sest ollewat se eksitus Peter Karro süh labbi tulno ja wöiwat sedda Kusta Ohsul tunnisteda.

Et nüd Kusta Ohsul puudus, sai

Möistetut

Tullewe kohtopäwas Kaibaja, kaibatut ja Kusta Ohsul ettenauda.

Mart Ilwes körwalistnik

Mart Arro abbi kohtomees

Hans Perler abbi kohtomees