Mõisawallitsus and selle Koggokonnakohtu een ülles, et selle mõisa tallopiddaja Isak Pill, on sedda temma käen ollnu Ludsa tallo-Honit nink ka põldu wäega halwaste hoitnu, ja ka neide tallomaid sädusse wasta pruknu, nimmelt Rüanurmen Ernit, Keswi ja linnu piddanu. 

1. Isak Pill tunnist essi, et temma selle Ludsa tallo wäikesse ellomajahonest om ahjo ärralahknu nink ne kiwwi moisate weddanu. 

2. Olli Isakule Ludsa poole mõisapoolt wastne Rehhetarre ja põhtja ehhitedu, kost temma põhtja wundamenti ja wärrete kõrwast olli kiwwi wäljalahknu nink ka neid mõisate weddanu. 

3. Olli Mõisapoolt üts wastne Laut tettu nink kisselauduga kattetu: nüüd om se Laut ütte wäega halwa Õlle-kattuse all, ehk ennambaste ilma kattuseda; sedda kattust om 4 1/3 sülda kõrge ja 3 sülda pik, tegge wälja 26 ruut sülda, nink lähheb 260 punda Olgi. 

4. Sai temma Aita ja Aganikku kattuste parrandamisse tarbis 100 punda Olgi arwatus. 

5. Koa-kattuse parrandamisse pääle 4 R.

6. Et se ütteldu wäikenne Ellomaja ilma kattuseda olli ollnu, nink se perrast se laggi otsani ärramäddanu om, sai arwatus parrandamisse pääle 3 R. hõb. 

7. Olli selle wanna Rehhetarre man üts kõlblik wanna kambre weel ollnu, kedda Isak otsani ärrapallutanu om, sai arwatus 35 palki ja tükki eest 50 kop. kokku 17 R. 50 kop. 

8. Om Isak ütte wanna Lauta 3 sülda pik ja 2 sülda lai otsani ärrapallutanu, kos 45 palki sai arwatus, et nemma wanna olliwa 25 kop. tükki eest, kokku 11 R. 25 kop. 

9. Kuwwe wakkamaad Rüanurme süggisel kündmata jättnu a 30 kop. kokku 1 R. 80 kop. 

10. 1 1/3 wakka Rüanurmen, kos temma minnewa ajastaja olli Ernit nink keswi piddanu, kost nurmest ennege sement om kätte lota, olles wõinu nurme perra 10 1/3 w: Rükki sada, sis jääb 9 w: pudus egga wakka eest 1 R. 75 kop. kokku 15 R.  75 kop. 

11. 1 1/6 wakkamaad kos temma nisamma Rüanurmen olli Ernit ja keswi piddanu, kost ennege 2/3 wakka Rükki om saija, selle nurme perra wõinu arwata 7 w: sada, jääb pudus 6 1/3 w. Rükki teep kokku 11 R. 8 kop. 

12. 1/3 wakka Rüanurmen kos temmal nisamma Linna om ollnu, sai kahjo arwatus 1 1/2 w: Rükki 2 R. 25 kop. 

13. Tunnistab Isak Pill essi, et temma minnewa ajastaja kiik maja Sõnniku tõunurme päle om weddanu, nink Rüanurme päle om ennege 1/3 wakka-maa-ossa päle sanu. 

Sis sai siist poolt se kahjo arwatus:

Punct 1		6 R
"  2		4
"  3		7	80.-
"  4		3
"  5		4
"  6		3
"  7		17	50.-
"  8		11	25.-
"  9		1	80.-
"  10		15	75.-
"  11		11	8.-
"  12		2	25.-
	Summa	87 R.	43 kop.
	Isak Pillil om masto	43	22.-
	jääb massa	44 R.	21 kop.