Ette tulli Michel Pihho ja kaibas et temä olewat u 5e wakka ale maad ja 1 niit oma welle Karl Pihhuri käest 24 aasta päle renti päle wõtnu nida et 12 Rbla aastast renti massap nink lehmä karjan käümise eest 1 Rbla ja 2 jalgsi päiwä tüüd tetta, ent nüüd 19 Rbla renti ette ärra masnu ja Karl Pihho temmä käest maa ärra wõtnu kus temäl 10 N ristik haina seemnid külwetu olli sis nõwwap Michel Pihho nüüd omma maad taggasi.

Karl Pihho ütles et 43 Rbla om kül Michel Pihho käest minole sanu, ent se lepping es sa täwwes tettüs ent se ma om nüüd kiik Jaan Haki käen sest mina jäije pankrotis ja es jõwwa selle maa eest massa nink Michel Pihho om jo weel sel suwwel 4ja wakka maa minu maa pale se om 2te wakka ale rükki ja 2te wakka ale tõugu nink se üte wakka ale maad ja se kuurma ale haina maad ei ole Michel Pihho sel suwel sanu.

Moistet:

Et Karl Pihho maja wõla perrast ärra om müdu ent Michel Pihho renti ka jo 32 Rbla tasso om sanu, sis peap Karl Pihho 11 Rbla renti ja 1 Rbl 10 Cop protsenti Michel Pihhole taggasi masma.

Se moistmine om §773 ja 774 perrä kulutedu ja oppus leht wälja antu.

Pääkohtumees K.Lõhmus [allkiri]

Kohtumees Peter Prants [allkiri]

Kohtumees Jaan Oppar XXX

Kirjotaja J.Jõgewa