Kaibas Tähkowerre Walla Mees Johan Adler, et temmal ollewa Matto Bernhrad Grünbergi käst sada 48 Rubla Banko Linast ollewa temma sanut 14 Rubla Banko Mumani käest ning jäb weel 32 rubla Banko nouda to rahha ollewa ütte Obbesse wõlg, mis kaibataw temma käst ollewa wotnut. Ta ollewa toot rahha wiet korda siin noutaman käinu ning ei olle ta mitte sanut kui eddimesse korra ollewa temma siin käinut, sis ollewa kaibataw temmale kui ta teist korda tulleb üts rubli õbbetat massa ning ei olle seni mani mitte koppikat sanut. 

Wastab kaibataw: to ollewa oige, et temmal ollewa temma wõlgu, agga mitte ni palju. Minnewa süggsse asta est ollewa temma weel ütte rubla obbetat ning ollewa temmal ülle ültse enne nouda 21 woi 22 rublit Banko.

Kaibaja ütles: to ollewa oige, et ütte rubli õbbetat ollewa sanut ning jäb temmal ni pailo kui 28 rubla 50 Kop. Banko nouda.

Kaibataw ütleb, et ni palju ei ole massa ning nouab ent, et kaibaja temma Tähhe enne ärra annast wai näitast, sis olleks to wõlg õige õigest nätta. 

Kaibataja ütleb, et temma märrastki Tähte Wõlla ülle ei olle sanut, mut kui to kiri, mis Mummunile om kirjutud.  

Moistetud: et kaibataw peab massma 25 rubli Banko ärra.

Om rahhul mõllembat, nin om siin kohtu een ärra masnut.