Ette tulli selle wanna mõisa rentnik Jaak Jassik ja kaibas, et Hans Sander andno oma poja Johanni temma mannu kuu päle karjan käüma, ja kuupalk olno leppitu 4 rubla, ja nüüd ollew 2 kuud teenu, ent ilma üllesütlemata ärra lännu, ja pallel, kas weel taggasi temma poiga teenma, ehk tälle kahjo tassomist mõista. Sellepäle kutsuti Hans Sander kohtu ja loeti eensaiswa kaibus ette, ja temma ütles kül omma poja Johanni olno ku päle andno Jaak Jassikule karjan käüma, ja kuupalk olno leppitu 4 rubla, ent kui eddimänne ku täüs olno, jätno tõises kuus ehk olles ka eddesi jätno, kui söök kõhn es olles olno, ent üllesütlemisest ei olno middagi kõnneldo, ei eddimatse kuu, weelwähhamb tõiso aigo.

Kohtumõistus: Kunna üllesütlemist ei olno leppitu, sis es prugi Hans Sander omma poiga Johannit mitte ennamb Jaak Jassiku manno taggasi teenma panna, weel wähhamb tälle kahjotassomist massa. Se kohtumõistus sai kohtonkäüjile kulutedus ja § 773, 774. Tal. säd. ram. 1860.a. ärra selletedus, mis oppust andwa  suremba kohtonkäumissest, ent Jaak Jassik es olle tolleperrast selle mõistmisega rahhul, et mis taggasi ei mõistetu ehk temmale kahjotassomist, ja Hans Sander jäije selle mõistmisega rahhul, ent vimate sai neile ka § 881 perra se trükkito õppuse leht välla antus.

Pääkohtomees: Jürri Waldmann XXX

Kohtomees: Tanil Oinas XXX

Kohtomees: Tanil Purge XXX

Kirjotaja:/ P.Haberland/

Copia kihhelk. kohtu 18 28/12 77