Kaibas Laosse Rentnik Juhan Ehrlich, et temma Perremmes Annimatsi Ado Schmidt, et temma omma Tou Wilja Tingi om alwaste kokko pannut ning keik keswa peat wõtmatta jätnut ning Keswa Rõuk alwaste tennut ni, et om hukka lännu ning liggetat olnut.

Teiseks: minnewa Espäiw kaibatawa sullasega käsku jätnut, et Külwija peab wälja tullema, kaibataw enne ütte Tütruku satnut.

Tämba Näddala est om Kaibaja tallitanut Rükki teggemisse mannu ning Kara põimanu enne, kaibataaw mitte es olle tulnut.

Wastas Ado Schmidt küssimesse päle: temma teetmisse perra peab tö ollema heasti tettu, temma Innimesse ommawa man olnut ning kui Innimesse mant ärra ommawa tulnut Rentnik, mitte ei olle middagi üttelnut kas peawa taggassi tullema wai mitte ning päle todda haega mittagi käsku annut. 

Wastab kaibataw, et temma kats Meest Keswa Rõuko teggemisse man ommawa olnut ning no Mehhet piddanut ni teggema kui Rentnik tahhab omma tahtmisse perra tetta laska.

Teiseks, minnewa Espäiw kui külwi mees om tallitut, wastab kaibataw, et temma Espäiw hommoku Tõpramehhe wälja satnut ning teine sullane, kis Rentnikkul 2/3 päiwa etsmet om ajanut, omma Jallaga ning Jalla katsi tenni ni, et haikeks jänut ning nüt ei woi mitte külwama menna, temma to est Tütruku satnut. Rentnik agga todda mitte wasto wotnut ning koddo satnut taggassi.

Tämba Näddala est kui Rentnik Teo meest Rükki Ajamisse päle tallitanut, wastab kaibataw, et temma sullase, kis Teol olnut, Tõpraga Rentnik koddu satnut ning Nelja päiw jälle mannuu tallitanut ning Kolmapäiw ommal Talkul olnut. Kaibatawa sullaset ning kui Perremees tahtnut Redi Teo meest wälja sata, temma agga om magganut ning üttelnut, enda pea haige ollewat Talku päle. 

Moistetut: Keswa tükki korjamisse ning Rõuko teggemisse man oomaewa Innimeste Kaibataw sannut ning neide kohhus olnut ka hoigete tetta ning sawat temma sullaset Mihkel Wiks ning Herman Unt, no to töman ommawa olnut, peawad tullewa Espäiwal to est wastust andma. 

Teiseks: meest ei olle olnut külwama sata ning temma hilda teda om sanut, se pärrast ka ei olle woinut ennast mitte wabbandama menna, et tal ei sa woimalik ollema. Peab sullane Mihkel Espäiw wastutma.