Kaibawat Laosse Rentnikku Perremehet Peter Krimp, Ado Schmidt, Peter Partz ning Johannes Krimp

1. et neide Rentnik neide Rehhelisset tinna wotse Rehhe pessmisse man kats korda: üts Röa Rehhi ning tiene Tou Rehhi kats päiwa otsini ommawa pessnut ning neile to tö est enne üts päiwantasse, ütlewat Perremehhet, et Rentnik om pole korma kaupa Wilja sisse lasknut weddada ning sega katsteistkümment poolt Kormat ütte Rihhe sisse om sanut ning Rihhelisset to läbbi ennamb aega witwat. 

2. ütlewat net Perremehhet, et neide oebbeset ommawa pooltteist päiwä Rehhe päit sisse weddamas ning noil to est üts päiw antut.

Rentnik ütleb, et nemmat omma tahtmisse perra teewat ning weawat ning temma tahtminne peab ollema kuus kormat päit päiwal wälja weddama Rehhe mannu ning temma mitte ennamb ei anna kui kue korma est üts päiw.

3. Kaibawat Perremehhet, et Rentnik neit wäkaupa om lasknut Wilja rohkemb kokko panna kui sädus om, nimmelt ommawa rohkemb pannu. Loritse Peter nelja wakka alla, Annimatsi Ado katte wakka alla, Mähhe Peter katte wakka alla, Keri Johan ütte päiwa mees kolme Wakka alla rohkemb. Nida ka Haino tükkisit Loritse Peter 3 wakka ala Hainamat, Mähhe Peter poolteist Wakkama, Annimatsi Ado ütte wakkama, Keri Johann 3 Wakkama.

4. Kaibawat Perremehhet, et Rentnik Ristikhaina Söti om lasknut upi künda ning neide Tõprat to man ommawa ärra wässinu. To Tö om Rentnik ilma Perremiste tahtmist sätnut.

5. Kaibab Annimatsi Ado Schmidt, et Rentnik temma Innimesset Moisa Tingo pält ilma temma teetmatta om Talku päle wõtnut, nida ka kike neite teiste Perremeest Innimesse omma kik ka temma Talku päle tallitut ning hirmo pärrast ka kik läinut. 

Rentnik ütleb to hoige ollewat.

Moistetut: Rentnik Juhan Ehrlich peab essiteks ommal sädusse perra 3 sullast piddama, et to Tö woib keik tallitada ning to est et temma Perremehhi om sundinut ülle sädusse Moisa Nurme kokko pannema neit ähwardamissega Talku päle kutsunut, mis ärra kelattut om. To ülle sädusse Moisa Nurme kokko pannemisse est peab Rentnik noide ülle arwo teggemisse est teist korda päiwat andma noide Wakka maade est, mis 3. p. al om kirjutut ülles.

To Ristikhaina Södi kündmisse est peab Rentnik igga Perremehhele üts Tõpra  Päiw andma. 

To Talkule kutsumisse est peab Rentnik andma Loritse Petrelle kolm päiwa, Mähhe Peter kats päiwa, Keri Johan kats päiwa, Annimatsi Ado 2½ pool päiwa Jalgsi Orjus, sest mahha kistuma nüt Talwe Orjussest.

Sai kaibajalle ütteltut, et temma kodda moistust mitte kulwa ei wottas kattessa päiwa wahhe ajal suremba. Kohtute ülles annas wai moido omma oigust kautab.