Kaibas Jaan Trom, et Perremees Jürri Rebbane ollewa temma Latse pessnut, ilma teetmatta ning Lats ei ollewa middagi kurja tennu.

Küssimesse päle wasta kaibataw, temma ollewa nännu kui kaibatwwa Lats olle Tallu Karja Tüttarlatse tükkinu pesma ning no ollewa tedda ärra ajanu, temma agga mitte lännu ning kui kaibaja temmale üttelnut, et ta ärra lähhest omma Tõprait kaima, to agga mitte ei olle lännu ning päle to ollewa lönut kaibaja kolm kord ütte pajo witsaga ning to Posi ärra ajanut.

Tood om kohtumees Hans Karro teiste Latsi käst tämba perra kullelnut ning om nida kulnut kui kaibataw om kõnnelnut. 

Kaibataw kaibab weel pälegi, et kaibaja temmale pailo kurja tennu, wilja ärra sötnut pailo ning Haina ärra kakkunut, ollewa weel ka Perremees ka temma Naist omma Hainatükki mannun, to agga mitte tulnut ning pälegi küssinut " mis est ma tulle". 

Pallup weel kaibataw, et johhus temmal teine kottus kohhegi moisdaks ning lubbab kaibaja temmale kik kingi, mis temmal wilja om mahha tettu. 

Wastab kaibaja, et nida oige om, ent temma ka maiddagi ei nõwwa to kaibusse päle ning ei sa to päle middagi moista, ent jäb kaibaja kewwaden temma mannu.