Naum Rattmann kaebuse asjan Jaan Kuus wasta palka massmise perrat 29 Rubla 64 Kop. kaebatu protokoll 31 Märzil s.a. N51. Kaebaja nõuab oma töö palka kätte.

Jaan Kuus tulli ette ja wastap, et Naum Rattmann ollewad 10  1/3 päiwa ärawiitnu, see perrast tema ei woiwad mitte palka massa.

Naum Rattmann wastap: kaupa olli tettu suwi pääle 110 Rubla ja üts paar saabit, - mina es olle mitte tööle, selle et inimesed man es olle, kes sawi man tõie.

Jaan Kuus ütlep, et Naum Rattman kätte saanud 95 Rbl 6 Kop. Ja suwe palka 110 Rubla, 1 paar saabit es olle lubatu.

Naum Rattmann ütlep: mina ei olle üttegi päiwa ärawiitnu, müido kui sulane olli ärrakaddu, siis läksin minna sullaste otsma. 

Mõistus: Rehnungi perra om 95 Rbl 6 Kop. kätte saanu ja palk olli 110 Rubla, siis weel om Naum Rattmannil nõuda 14 Rubla 94 Kop., aga 10  1/3 päiwa, mis ära wiitnu om a 1 Rubla päiwa eest 10 Rbl 33 Kop. maha arwata, siis weel om Jaan Kuusel massa 4 Rbl 61 Kop. Se raha suma 4 Rubl. 61 Kop.peab Jaan Kuuss Naum Rattmanil wälja masma.

Moistus saije luulutedus §773 selletamisega.