Kaibas Karel Köst, et Temmä om Moisan haiges jäno, sis om Aidames temmä ärrä Koddo satno, et Alli Tõbbi om temmal pääle tulno, om Koddon Otsa Johann Jerw temmä satno. Haina Niitmä aiget päält temmä ei olle woinu nink om länno Lao pääle puhkama, säält om Johan Olgo piddi teddä kinni wõtno nink tahtno teddä mahha tõmbata, temmä om sano üttest lattist kinni, ses om ripppu jäno, ses om Johann teddä Kõrwu piddi pesno, se Redi om Johann üttelno, sis woit sinna nüüd ärräminna, minnul ei olle sinno waia.

Wastutas Johann Jerw too pääle: Et Temä ei olle teddä mitte ärrä aiano, se om sest allustano Johann om teddä ajano Teole, temmä ei olle lubbano mitte minnä nink üttelno: ma ei lähhä. Kui sa minno ajat, ma so hobbesse Tappan. Wimäte on tulno Moisa nink om pool päiwä Teol olno, sis ärrä koddo tulno. Perräst om Johann ajano teddä Hainu teggemä, ei olle ka lännu, enge om Mõtsa länno maggama, om karjapoisike teddä säält ülles ajano nink om länno ärrä Mähhale ning üttelno: ma ei tahha sinno orjata, lasse minno wallale, et sa minno enne kiusat. Sis om kolmanda päiwa koddo tulno nink Laole lännu maggama, säält om Johann teddä ülles tõmbano nink om tedda toikano, põsse pääle käe pandno, ent lönu ei olle mitte.

Tunnistas Jahn Lilienthal, et Temmä mitte man olno ei olle, ent wärräte päält nänno om, et Karel om lao küllen rippunu ning om Karel wäege tannitano, et Johann om teddä lönu nink jalgaka Rindu pääl sõknu, sis om Jahn man olno.

Karel omm näidõno omma põske Kohtumehhel Luiga Ewerdtil.

Ülleb Ewerdt, et om põsk ollu ülles paistetetu, seddasamma ülleb Wörmünder Hans Karro, et Karel om temmäl ka näidäno nink om põsk paistetedu olno.

Om kohto poolt 

Moistedut: et kui Johann Jerw Karel Kösti ärra tahhab laske, sis peäb Asta Palk täielikkult wälja massma ning Johanil kümme witsa Löki trahwis poisi pessmisse est.