Kaibas Rebbässe Hans Partz, et Temmä Pops Marta Luig ning temmä Ewwä omma temmä Rõo Kuhjast Rüggi warrastano, arwata 1 wak, ei woi temä ka mitte Töllet tunnistust and, kus temmä om pando, ehhege üts kõrd om leidno Marta Taari Tündrist Rõä Päid ning arwab ka et ütte Põrsast söödno om ja om Marta Sannan nännu, et Oelgi sääl pallotano, mes temmä nänno om.

Kulutas Marta Luig, et Jummal Teetko koddas se om, minna ei olle mitte warratano, temmä enne kiusab minno, kos minna need Röat olles panno, Jummal tassoko temmäle se kiusus. Õlgi ei olle temmä mitte pallotano, enneke üts kõrd om Oelle Tusti Külge Tuld puhkno, tost om se Tuhk sano. Wandno ei olle temmäei ütteki alba Sõnna Hansol üttelno.

Hans wastutas, et Temmä olles jo ennembi temmä ärrä ajano kui temmä kiusano olles, ent nüüd om sõimano.

Ütleb too pääle kohtumees Jahn Tamm, et temmä om käino sääl kaeman, om Marta kül albu sõnnu üttelno nink wandno, mes temmä essi kulno om, om Kohhus too pääle

Moistnut: Et Marta albu sõnnu andmisse est saab 5 Löhika trahwitus nink jääb sinna ellämä ni kauge kui muijale asset saab, ei tohhi a Hans teddä mitte säält Sannast wäljä ajada, om sano 5 löki.