Kaibas Arrolast Johan Ehrlich, et Temmä Poig David Ehrlich om warrastano Temmä Aidast 6 wakka keswi ning kolm wakka Rükki, om katte kotti sen olno, om Ree pääl olno ning Daue manno ajano, sis omma Sullaset Tarret andno Taosset ning Michel Wiks om Laudast Hobbesse andno, wilja ärrä wiia. 

Peter Muld kulutas too pääle: Temmä ei Tijä middägi, temmä om Rummal, om tol ajal 5 kõrd Werd laskno, Wõiwa toised kõnnelda kui nemmad tijäwä, wel tunnistas, et David Ehrlich om 2 kottika keswi ning 1 kottika Rükki warrastano, arwata 5wakka koku, om David Willem Aloelet pesno ning pääst werre wäljä Lönu, Temmä essi om Jaan Michelsoniga kattekeisi kottit Ree päält Tõllahone wino nink perräst om David pallelno neid ninkk lubbano massa eggä üttele, sis om Willem Aloe ning Jaan Michelson kottid Tollahonest Ree pääle wäljä awwitano nink David om sis wilja ärrä wino, ent toddaei tija koda.

Michel Wiks kulutasa, et Temmä eij Tijä wilja wimisest middägi, ei olle temmä näen muud olno kui Ellaijt ning karja Lauda wõtmed, wiljast ei Tija middäki nink wõtmed om Rentnik Johan Ehrlichel külge all, igga öö nink woedas Teise külle ald ärrä.

Willem Aloe kulutas, et Temmä ei tijä middaki, ei olle ütteki Kotti Tõllahonest wäljä wino, ei olle wines ei Rahha Davida käest sano. 

Jahn Michelson kulutas: Temm ei tijä middäki, temmä ei olle to Näddäl mitte koddo olno, ent Davida wargusest ei Tija middäki, ei olle ka sugguke middäki kulno, kotte eei olle Tõllahonest mitte wälja wino. Ei olle Tilka wina nänno, ei sano kelleki käest.

David Ehrlich wastuta: Temmä kuleb seddä asja eddimäst kõrda, ei olle mitte middaki warrastanu, ei olle ka nännu muid warrastajiat (Temmä Essä Johann om andno 2 Rubla hõbbedat, 4 Rubla om andno Peter Muld) 

Kulutasiwa kohtumehhe, et Petrel om käsk ommengu warra sano ning Hans Karro /wörmünder/ om sadno kässo , et peaäb hommungo warra Moisan ollema, om kohhus

Moistnut: et Peeter saab 15 lööki witsadeka trahwidut.

Hans Juus XXX

Jaan Tamm XXX

Ewerdt Luig XXX