Hans Rebane kaibas, et temal Mari Rebase käest2 kuu teemistuset eesta 12 Rubla, Summa 24 Rubla saada om.

Mari Rebane, Naise kõrwal saisja Willem Malter ütles: Hans Rebane olli mino man see 2 kuud kui küaline nink käis esi see aja kos ta tahtsenin nõwwa söögi eest, Hobeses ja tema henda eest 1 Rubla päiwa eest, se om 60 Rubla. 

Hans Rebane ütles: Mino hobene käis üts kõrd nädali aiga massinat wiiman. 

1 kõrd hobene Tartun käinu

1 kõrd hobene Wõrun käinu

2 kõrd hobene Ahja moisan käinu

1 kõrd hobene Ahja kohtumajan käinu

3 kõrd hobene käinu Nustakull

1 kõrd käinu Kähri Wene kerkuman

Sellest woite nätta, et mino hobene om töön olnu.

Mari Rebane ütles: Minol olli eski hobeses ja sino hobest mina es tarwita. 

Perast ütles Mari Rebane: Mina ole kutsma teda sinna tühü.

Moistus: Selleperast, et Mari Rebane Hans Rebase sinna tühü om kutsun, peap Mari Rebane Hans Rebasele poole sest nõwtust palgast, se om 12 Rubla wälja masma nink Mari Rebase kaibus söötmise raha perast jääp tühjas. 

Otsus kuulutedi §773 seletamisega. 

Mari Rebane wõtt protokolli wälja nink sai oppus lehe.