Mõtsawaht Joseph Mauring kaebas, et temal 1½ sülda püid ollewad ärrawarrastedu ja tema ollewad jälgi perra otsma lännu ja leidnu oma püid Kastolatzi wallan Looti talon Jakob Karnioli man mõtsan. Kaebaja nõuap seaduse perra trahwi. Kastolatzi kohtomees Johan Weski ollewad se man olnu kui tema püid otsinu.

Kastolatzi kohtomees Johan Weski tulli ette ja ütlep tema ollewad Pühajärwe mõtsawahi Mauring tahtmise perrra ütten lännu püid otsma, jälgi mööda seni kui Loodi tallo mõtsan, säält leidnu 1 süld kuiwu püid, Loodi talo perremees Jakob Karniol ütlenu, et tema sest puist middagi ei teadwad, tema püid ei ollewad weddanu ja ka see tema püid ei ollewad.Loodi talo saanu ka läbi otsitu, aga talon middagi leidu ei ollewad. Regi jälgi, mis tee pääle perra leitu, ei olle mitte Loodi talo regiga kokku sündinud, mis säält talon leitu.

Jakob Karniol tulli kohto ette ja ütlep: tema mõtsan om kül üts hunnik püid olnu, aga tema sest puiest middagi ei teadwad, tema essi ei ollewad sel talwel omal mõtsan saanu, kui ta piddanu weel wõõra püid mõtsan püid raguma. Jakob Karniol ütlep, ettema üttegi püid warrastanu ei ollewad.

Otsus: Selle, et üttegi tunnistus ei olle see ülle, et Jakob Karniol püid olles warrasunu, jääp assi seni kui kaebaja parrembatunnistus woib ulles anda.

Otsus saije kuulutedu §773 selletamisega.