Jakob Abaltin Pajo wallast tulli ette ja kaebas, et ene 2½ aastad om tema perremehel Widrik Bihrawal üts hobene ärrawarastedu, nüid ollewad tema sedda hobest siin laada turro pääle leidnu ja tahap hobest kätte saada. Hobese tagumätse hä jalg ollewad allumätse liikme pääle walge ja saddulka kottal weikse walge plekki.

Tunnistaja Karl Gailis ütlep, et tema woiwad iga kohto een wandus, et se hobbene Widrik Bihrawa oma ollewad.

Tunnistaja Karl Irbe ütlep nenda samoti kui Karl Gailis olli wälja üttelnud ja ütlep, et tema selle hobesega mitto korda tööd tennu ja selgest tunnewad.

Karl Marranik Palloperrast kele käen see hobene olli leitu, tulli ette ja ütlep: tema see hobest ene kaks aastad Palloperra kõrtsi man ostnu ja 33 Rubla masnud.

Tunnistaja Jaan Nurm ütlep nenda samoti, et tema man ollnu kui Karl Marranik hobbest ene 2 aasta 33 Rubla eest ostnu.

Kaebaja Jakob Abaltin ütlep, et ne riista, mis hobesel paale, mitte tema ei ollewad.

Tarto Makohto Landkote Herr Möller ütlep, et tema sedda mees selgest tunnewad, selle et tema ütten selle mehega Tarto taggan seitnu hobest ostma.

Otsus: Se hobene saap Jakob Abaltini kätte antus selle, et tema om selgeste tennu kuisee tema hobbene om.

Moistus saije kuulutedus §773 selletamisega.