Tulli ette Karraskij Ihhamarro kõrtsi piddaja P. Dulder, ja pallel üllewal nimmetedu kohhut, omma ülles andmist allandlikult kuulda wõtta, ja kui arwab henda teedmissen oige ollewat seddasamma kinnitada mes minna tõtteussen ette kanna. 

Ni kui kigil teda om, olli minna sest 1. januarist kun(n)i 23.ni mai kuuni haige Sängun, kos minnu perrenaine ka kats kuud minno kõrwal haige olli, ni ollime mollemba koolmissel ent temma saije ennembi parrembas, ni minna sest 23. maist kuuni 25.a julini s.a. olle katte kargaga käünu, kos teije ja kik woiwa minnu tunnistaja olla, ni nüüd ke weel, kui jalla essiwa wähagi, sis om sälga sissen ni suur wallo kas satta õkwa mahha, ja nüüd olle haigussest ni tööjõwetumas sanu, et ei ole ennamb jõuuwun täit Kogi massu, mes minno kaest ajastan nõwwetas arra tenida ja massa.  Sis palle allandlikult sedda minnu tõttestiko ülles andmist kinnitada, ni min(n)ol sest üts ärra kirri anda laske, et minna wois Kõrgemban paigan ette näidata kost armo loota olles. 

Otsus   Ne üllewal nimetedu liikme ühhendiwa henda kik selle otsusse pääle, et se kik neide, kui ka muide teedmissen tõtte ja õige olli, mes P. Dulder wäljastpidditsest ollemissest om ette kandnu, ent sisesmätse hadda otsusse andminne ei olle kohto assi jääp Tohtre Herrade hoolde, kes selle ehk sissematse haigusse poolest Otsust andwa. Ja sai temmal, temma pallemisse pääle se ärra kirri lubbatus wälja anda.  Et se nida tõtte om tunistawa.

                      Karrasky Kohtomajan sel 19al November 1876.

                                      Eenistja, Jaan Tullus  XXX

                                      Mannistja Jakob Uibo  XXX

                                      Manistja, Jaan Leppsaon  XXX

Wälja antu sel 25l Novebr 76.