N 82. Waimela Kog. Kohtun sel 2 Septr 76. Man olliwa:

Pakohtumees J. Tschuchna,

abbi M. Traks, 

dto J Weiso.

Ette tulli Jakob Wöitrason ja kaibas Hindrek Weiswere päle särgi warguse perrast.

Hindrek Weisweer wastut, et temma olla to särgi lada öddangul Karraski mehhe Peter Künnapu käest 1 rubl höb eest ostnu.

Peter Künnapu wastut, et temma ostnu to särgi lada pääl ütte tundmata mehhe käest 2 rubl. 50 Cop. höb. eest; ent pandnu Weiswere kätte 1 rubl höb eest pandis. Käünu ka kül to kord kui särk warrastedi Waimela Moisan welle pool (kon särk warrastedi).

Johann Lapp tunnist, et Peter Künnapu särgi Weiswerele 1 rubl eest ärrä munu, ent mitte pandistanu.

Carl Kust tunnist ökwa nisamma kui Johann Lapp.

Hindrek Weisweer om wallawallitsussele warsti teedmist andnu, et temma allato hinna eest Künnapu käest särgi ostnu.

Jakob Wöitrason ütles, et temma särk masnu 6 rubla höb., olla nüüd ärrä kantu ja nöuda omma särgi eest ja ostmisse waiwa kokko 9 rubl hob.

Moistus:

Hindrek Weisweer peap Wöitrasonil temma särk 1 rubl. höb. eest kätte andma ja Peter Künnapu tämba 2 nädduli perrast masma:

1) Wöitrasoni hääs 4 rubl. höb ja

2) Waeste ladiku 3 rubl. höb.

Summa 7 rubla höb.

Päkohtumees J. Tshuchna,

abbi M. Traks,

dito

Eensaiswa kohtu otsus sai neile kohtun käüjile S. § 772 perra kulutedus, §§773-774 ärrä selletedus ja oppus leht Peter Künnapuul  antus kes otsusega rahhul es olle.

Copia Keiserl. Keh. Kohtu wälja antu sel 9 Septr 1876.

Kirjot. HKalkun.